இரத்தினபுரி மாவட்ட பாராளுமன்ற உறுப்பினர் அகில எல்லாவல எம்.பியின் பாதுகாப்பு உத்தியோகத்தரின் கைத்துப்பாக்கி காணாமல் போயுள்ளது. இவ்விடயமாக பாதுகாப்பு உத்தியோகத்தர் பலாங்கொடை பொலிஸ் நிலையத்தில் முறைப்பாடு செய்துள்ளார்.
பிரபு பாதுகாப்பு அணியைச் சேர்ந்த இவர் சில தினங்களுக்கு முன்னர் விடுமுறைக்காக வீடு செல்லும் போது தன்னுடைய கைத்துப்பாக்கியைப் பாராளுமன்ற உறுப்பினரின் வீட்டில் உள்ள பாதுகாப்பு உத்தியோகத்தர்களுக்கான பாதுகாப்பு அறையில் வைத்து விட்டு சென்றதாகவும் விடுமுறை முடிந்து வந்து பார்த்தபோது துப்பாக்கியைக் காணவில்லை எனவும் பொலிஸ் முறைப்பாட்டில் தெரிவித்துள்ளார். பலாங்கொடை பொலிஸார் மேலதிக விசாரணைகளை மேற்கொண்டு வருகின்றனர்.
