அமெரிக்காவிலிருந்து சிலி நாட்டிற்குச் சென்ற விமானத்தில் நடுவானில் பைலட் இறந்ததால் விமானம் அவசர அவசரமாகத் தரையிறக்கப்பட்டது.
லட்டம் ஏர்லைன்ஸ் விமானம் ஒன்று 271 பயணிகளுடன் மியாமியிலிருந்து சிலி நோக்கி கிளம்பியதாக தெரிவிக்கப்பட்டுள்ளது.
விமானம் புறப்பட்ட 3 மணி நேரத்தில் பைலட்டும், விமான கேப்டனுமான இவான் அண்டெளரின் உடல்நிலை நலிவடைந்தது.
கழிவறையில் நிலைகுலைந்து விழுந்த இவானுக்கு பணிப்பெண்கள் முதலுதவி சிகிச்சை அளித்ததாக தெரிவிக்கப்பட்டுள்ளது.
உடல்நிலையில் எவ்வித முன்னேற்றமும் இல்லாததால் கோ-பைலட் உடனடியாக விமானத்தை பனாமா நாட்டில் தரையிறக்கினார்.
அங்கு மருத்துவர்கள் பரிசோதித்துப் பார்த்து இவான் ஏற்கனவே இறந்துவிட்டதாகத் தெரிவித்துள்ளனர்.
56 வயதான இவான் 25 ஆண்டுகள் பைலட்டாக பணிபுரிந்து வருவதாக கூறப்படுகிறது.
