நுவரெலியா ஹாவா – எலிய பகுதியிலுள்ள சிறுவர் பராமரிப்பு நிலையம் ஒன்றில் 45 பேருக்கு இன்று கொரோனா வைரஸ் தொற்று உறுதிப்படுத்தப்பட்டுள்ளது.
37 சிறார்களுக்கும், 8 ஊழியர்களுக்குமே இவ்வாறு வைரஸ் தொற்றியுள்ளது என சுகாதார அதிகாரிகள் தெரிவித்தனர்.
மேற்படி சிறுவர் நிலையத்தில் 8 சிறார்களுக்கு வைரஸ் தொற்று உறுதியாகியிருந்தது. இதனையடுத்து அங்கிருந்தவர்கள் தனிமைப்படுத்தப்பட்டு, பிசிஆர் பரிசோதனைக்கு உட்படுத்தப்பட்டனர்.
பிசிஆர் பரிசோதனையின் அடிப்படையிலேயே மேலும் 45 பேருக்கு வைரஸ் தொற்றியுள்ளது.
தொற்றாளர்கள் அனைவரையும் தனிமைப்படுத்தல் நிலையங்களுக்கு அனுப்பி வைக்க நடவடிக்கை எடுக்கப்பட்டுள்ளது.
டி.சந்ரு
