33 வயதுடைய நபரொருவர், குருநாகலில் உள்ள அரச வங்கியொன்றின் ATM இயந்திரத்தில் இருந்து 10 மில்லியன் ரூபா பணத்தை திருடியுள்ளதாக பொலிஸார் தெரிவித்துள்ளனர்.
பராமரிப்புப் பணிகளை மேற்கொள்வதாகக் கூறி ஏடிஎம் இயந்திரத்தில் இருந்த பணத்தை சந்தேகநபர் திருடிச் சென்றுள்ளதாக பொலிஸார் தெரிவித்தனர்.
சந்தேகநபர் கடந்த பெப்ரவரி மாதம் 2ஆம் திகதி குருநாகல் கெட்டுவான சந்திக்கு அருகில் அமைந்துள்ள ATM இயந்திரத்தில் கொள்ளைச் சம்பவத்தை மேற்கொண்டுள்ளார்.
கொள்ளைச் சம்பவம் தொடர்பான விசாரணைகளின் போது எப்பாவல பகுதியைச் சேர்ந்த 33 வயதுடைய நபர் ஒருவர் கைது செய்யப்பட்டுள்ளார். கொள்ளைச் சம்பவத்தைத் தொடர்ந்து சந்தேகநபர் பிங்கிரிய, ஒருதென்ன பிரதேசத்தில் தலைமறைவாக இருந்ததாக பொலிஸார் தெரிவித்தனர்.
போலீசார் ரூ. திருடப்பட்ட பணத்தில் இருந்து 4.56 மில்லியன் ரொக்கம், ஒரு வளையல் மற்றும் மோதிரம் ரூ. 650,000, ஒரு மோட்டார் சைக்கிள் ரூ. 550,000 மற்றும் ஐபோன் ரூ. 350,000.ஆகியவற்றை பறிமுதல் செய்துள்ளதாக தெரிவித்தனர் .
சந்தேகநபரிடம் மேற்கொள்ளப்பட்ட மேலதிக விசாரணைகளின் போது, மின்னேரிய இராணுவ முகாமிற்கு முன்பாக உள்ள ATM இயந்திரத்தில் பணம் திருடியதுடன், பிங்கிரிய மற்றும் அனுராதபுரம் பகுதிகளிலும் உள்ள இரண்டு ATM இயந்திரங்களிலும் பணத்தை திருட முயற்சித்துள்ளார்.
