இறக்குமதி செய்யப்படும் ஒரு கிலோகிராம் உருளைக்கிழங்கு மீதான விஷேட பொருட்கள் தீர்வை 30.00 ரூபாவால் அதிகரிக்கப்பட்டுள்ளது.
அதன்படி, ஒரு கிலோவுக்கு 50 ரூபாவாக புதிய வரி விதிக்கப்படும் என நிதியமைச்சு தெரிவித்துள்ளது.
புதிய வரிவிதிப்பு ஆறு மாதங்களுக்கு அமலில் இருக்கும்.
அண்மைய நாட்களில் அமெரிக்க டொலருக்கு நிகரான இலங்கை ரூபாவின் பெறுமதி கணிசமான அளவில் அதிகரித்து வரும் நிலையில் இந்த அபிவிருத்தி ஏற்பட்டுள்ளது.
இதன்படி, வெளிநாட்டிலிருந்து இறக்குமதி செய்யப்படும் உருளைக்கிழங்கின் விலை பெட்டா மொத்த சந்தையில் குறைக்கப்பட்டுள்ளது.
அதற்கமைய, உள்ளூர் விவசாயிகளைப் பாதுகாக்கவும், விலை ஸ்திரத்தன்மையை உறுதிப்படுத்தவும் வரியை அதிகரிப்பதற்கு அமைச்சு தீர்மானித்துள்ளது.
