நுவரெலியா மத்திய பொருளாதார நிலையத்தில் கடந்த சில வாரங்களுடன் ஒப்பிடுகையில் கரட் உட்பட அனைத்து மரக்கறி வகைகளின் விலை குறைவடைந்துள்ளது.
இன்று ஞாயிற்றுக்கிழமை (21) கொள்வனவு செய்யப்படும் மரக்கறி விலை பட்டியல் தொடர்பாக நுவரெலிய பொருளாதார மத்திய நிலைய காரியாலயம் வெளியிட்டுள்ள அறிக்கை மூலம் தெரியப்படுத்தியுள்ளது.
இதற்கமைய ஒரு கிலோ கோவா 450 ரூபா ; முதல் 470 ரூபாவுக்கும், லீக்ஸ் ஒரு கிலோ 340 ரூபா ; முதல் 360 ரூபாவிற்கும், பீட்ரூட் ஒரு கிலோ 400 ரூபா முதல் 420 ரூபாவிற்கும், உருளைக்கிழங்கு ஒரு கிலோ ; 300 ரூபாய் முதல் 320 ரூபாவிற்கும் விவசாயிகளிடமிருந்து கொள்வனவு செய்யப்படுகின்றது .
குறிப்பாக நுவரெலியா பொருளாதார மத்திய நிலையம் உட்பட ஏனைய பொருளாதார நிலையங்களிலும் மரக்கறிகளின் விலை சற்று வீழ்ச்சியடைந்துள்ளதாக தெரிவிக்கப்படுகின்றது.
அதேவேளை நுவரெலியா மத்திய பொருளாதார நிலையத்தில் கடந்த (17) ஆம் திகதி புதன்கிழமை விவசாயிகளிடமிருந்து ஒரு கிலோகிராம் கரட் 1700 ரூபாய் முதல் 1800 ரூபாய்க்கு கொள்வனவு செய்யப்பட்டமை குறிப்பிடத்தக்கது.
நானுஓயா நிருபர்
