இந்தியாவில் மணப்பெண்கள் திருமணத்தின் போது அணியும் லெஹெங்கா ஆடையை பாகிஸ்தானை சேர்ந்த நடிகையான உஷ்னா ஷா தனது திருமணத்தன்று அணிந்திருக்கிறார். இதற்கு இணையவாசிகள் மத்தியில் கடும் எதிர்ப்பு எழுந்திருக்கிறது.
கோல்ஃப் வீரரான ஹம்சா அமினை குடும்பத்தினர் சூழ அண்மையில் கரம்பிடித்தார் நடிகை உஷ்னா ஷா. அவர்களது திருமணத்தின் போது உஷ்னா இந்தியாவில் அணிவதை போல லெஹெங்காவும், ஹம்சா ஷெர்வானியும் அணிந்திருந்தார்கள். இந்தியர்களின் பாரட் நிகழ்வு உஷ்னா ஹம்சா திருமணத்திலும் நடைபெற்றது. இது தொடர்பான வீடியோக்களும், ஃபோட்டோகளும் உஷ்னா தனது இன்ஸ்டாகிராம் பக்கத்தில் பகிர அது படு வைரலானதோடு, பலரது எதிர்ப்பையும் பெற்றிருக்கிறது.