“உயிர்த்த ஞாயிறு தாக்குதல் சம்பவம் தொடர்பான இரு விசாரணை அறிக்கைகளையும் எதிர்வரும் திங்கட்கிழமை வெளியிடுவேன்.” – என்று முன்னாள் நாடாளுமன்ற உறுப்பினர் உதய கம்மன்பில தெரிவித்தார்.
கொழும்பில் இன்று நடைபெற்ற ஊடக சந்திப்பின்போதே அவர் இவ்வாறு கூறினார்.
“ உயிர்த்த ஞாயிறு தாக்குதல் சம்பவம் தொடர்பில் இரு ஜனாதிபதி ஆணைக்குழுக்களின் அறிக்கைகள் இன்னும் பகிரங்கப்படுத்தப்படவில்லை. அவற்றை பகிரங்கப்படுத்துவதற்கு அரசாங்கத்துக்கு 7 நாட்கள் அவகாசம் வழங்கியுள்ளேன்.
இக்காலப்பகுதிக்குள் அறிவிக்கை வெளியிடப்படும் என்ற உத்தரவாதத்தை அரசாங்கம் வழங்கினால் என்னிடம் உள்ள அறிக்கைகளை அரசாங்கத்திடம் கையளிப்பேன். அவ்வாறு இல்லாவிட்டால் நான் கூறியதுபோன்று எதிர்வரும் திங்கட்கிழமை அறிக்கைகளை வெளியிடுவேன்.” – எனவும் கம்மன்பில குறிப்பிட்டுள்ளார்.
