இலங்கை ஜனநாயக சோஷலிசக் குடியரசின் பிரதம அமைச்சராக மஹிந்த ராஜபக்ச, ஜனாதிபதி கோட்டாபய ராஜபக்ச முன்னிலையில் இன்று (09.08.2020) பதவிப்பிரமாணம் செய்துகொண்டார்.
1970 முதல் 50 ஆண்டுகாலமாக செயற்பாட்டு அரசியலில் ஈடுபட்டுவரும் மஹிந்த ராஜபக்ச இதற்கு முன்னர் மூன்று தடவைகள் பிரதமராக பதவி வகித்துள்ளார். இம்முறை நான்காவது தடவையாக அவர் பதவியேற்றுள்ளார்.
அமைச்சர், எதிர்க்கட்சித் தலைவர், பிரதமர், நிறைவேற்று அதிகார ஜனாதிபதியென அனைத்து பதவிகளையும் வகித்த ஒரேயொரு அரசியல்வாயாகவும் கருதப்படுகின்றனர்.
டி.எஸ். சேனாநாயக்க, டட்லி சேனாநாயக்க, சேர். ஜோன் கொத்தலாவ, பண்டாரநாயக்க, ஶ்ரீமா, சந்திரிக்கா, ரணில், மஹிந்த உட்பட இலங்கையில் இதுவரையில் 14 பேர் பிரதமர் பதவியை வகித்துள்ளனர்.
இவர்களில் பெரும்பாலானவர்கள் ஒன்றுக்கும் மேற்பட்ட தடவைகள் பிரதமராக பதவியேற்றுள்ளனர். அதன் அடிப்படையில் கணிப்பிட்டால் மஹிந்த ராஜபக்ச 31ஆவது பிரதமராவார்.
(ரணில் விக்கிமசிங்க – 5 தடவைகள், டட்லி சேனாநாயக்க 4 தடவைகள், மஹிந்த ராஜபக்ச – 4 தடவைகள், ஶ்ரீமாவோ பண்டாரநாயக்க – 4, ரட்னசிறி விக்கிரமநாயக்க – 3, ரணசிங்க பிரேமதாச – 02, டி.எஸ். சேனாநாயக்க, சேர். ஜோன் கொத்தலாவ, தஸநாயக்க, ஜே.ஆர். ஜயவர்தன, சந்திரிக்கா, தி.மு. ஜயரத்ன, விஜேதுங்க ஆகியோர் ஒரு தடவை பிரதமர் பதவியை வகித்துள்ளனர். )
1947 ஆம் ஆண்டு முதல் 2020 ஆம் ஆண்டுவரையில் இலங்கையில் பிரதமர் பதவியை வகித்தவர்கள் விபரம் வருமாறு,
முதலாவது பாராளுமன்றம் (பிரதிநிதிகள் சபை)
✍️ டி.எஸ். சேனாநாயக்க – 1947 – செப்டம்பர் 24 – 1952 மார்ச் – 22.
(ஐக்கிய தேசியக் கட்சி). இலங்கையில் நடைபெற்ற முதலாவது பொதுத்தேர்தலாகும்.
✍️டி.எஸ். சேனாநாயக்க உயிரிழந்ததால் அவரின் மகனான டட்லி சேனாநாயக்க 1952 மார்ச் 26 ஆம் திகதி பிரதமராக நியமிக்கப்பட்டார்.
இரண்டாவது பாராளுமன்றம் (பிரதிநிதிகள் சபை)
✍️டட்லி சேனாநாயக்க – 1952 ஜூன் 9 – 1953
✍️சேர். ஜோன் கொத்தலாவ – 1953 ஒக்டோபர் 12 – 1956 ஏப்ரல் 12.(சேனாநாயக்க பதவி விலகியதையடுத்தே இவர் நியமிக்கப்பட்டார்.)
மூன்றாம் பாராளுமன்றம் (பிரதிநிதிகள் சபை)
✍️எஸ். டபிள்யூ. ஆர். டி. பண்டாரநாயக்க 1956 ஏப்ரல் 12 – 1959 செப்டெம்பர் 26. (சுதந்திரக்கட்சி)
✍️கலாநிதி டபிள்யூ. தஹநாயக்க 1959 செப்டெம்பர் 26 – 1960.மார்ச் 20
(பண்டாரநாயக்க சுட்டுப்படுகொலை செய்யப்பட்டதால் ஏற்பட்ட வெற்றிடத்துக்கு இவர் நியமிக்கப்பட்டார்.)
நான்காவது பாராளுமன்றம் (பிரதிநிதிகள் சபை)
✍️டட்லி சேனநாயக்க – 1960 மார்ச் 21 – 1960 ஜூலை 21
(சேனாநாயக்க அரசாங்கம் 1960 ஏப்ரல் 22 இல் சபையில் நடைபெற்ற சிம்மாசன உரையின்போது தோற்கடிக்கப்பட்டது)
ஐந்தாம் பாராளுமன்றம் (பிரதிநிதிகள் சபை)
✍️சிறிமாவோ பண்டாரநாயக்க 1960 ஜூலை 21 – 1965 மார்ச் 25 (சுதந்திரக்கட்சி)
ஆறாவது பாராளுமன்றம் (பிரதிநிதிகள் சபை)
✍️டட்லி சேனநாயக்க 1965 மார்ச் 25 – 1970 மே 29.
ஏழாவது பாராளுமன்றம் (பிரதிநிதிகள் சபை)
✍️சிறிமாவோ பண்டாரநாயக்க – 1972 மே 22 – 1977 ஜூலை 23.
இரண்டாவது தேசிய அரசுப் பேரவை
✍️ஜே. ஆர். ஜயவர்தன – 1977 ஜூலை 23 – 1978 பெப்ரவரி 04
✍️ஆர். பிரேமதாச டி1978 பெப்ரவரி 06 – 1978 செப்டெம்பர் 07.
( ஜே.ஆர்.ஜயவர்தன ஜனாதிபதியாக தெரிவுசெய்யப்பட்ட பின்னர் பிரேமதாச பிரதமரானார்)
நிறைவேற்று அதிகார ஜனாதிபதி முறைமை உருவாக்கப்படும்வரை இலங்கையில் பிரதமர் ஆட்சியே நிலவியது. பிரதமரே அதிகாரம் படைத்த நபராக விளங்கினார் என்பது குறிப்பிடத்தக்கது.
?இலங்கை ஜனநாயக சோசலிசக் குடியரசின் முதலாவது பாராளுமன்றம்
✍️ஆர். பிரேமதாச – 1978 செப்டெம்பர் 07 – 1989 ஜனவரி 02.
?2ஆவது பாராளுமன்றம்
✍️டி.பி. விஜயதுங்க – 1989 மார்ச் 06 – 1990 மார்ச் 28.
(1989 ஏப்ரல் 18 ஆம் திகதி இராஜினாமாச் செய்தார்)
✍️டி. பி. விஜயதுங்க 1990 மார்ச் 30 – 1993 மே 07
(மீள் நியமனம் செய்யப்பட்டார்.)
✍️ரணில் விக்கிரமசிங்க 1993 மே 17 – 1994 ஆகஸ்ட் 19.( ரணசிங்க பிரேமதாச படுகொலை செய்யப்பட்ட பின்னர் ஜனாதிபதியாக டி.பி. விஜயதுங்க பதவியேற்றார். பிரதமர் பதவி ரணிலுக்கு வழங்கப்பட்டது.
?3ஆவது பாராளுமன்றம்.
✍️சந்திரிகா பண்டாரநாயக்க குமாரதுங்க –
1994 ஆகஸ்ட் 19 – 1994 நவம்பர் 12 ( மக்கள் கூட்டணி)
✍️ஶ்ரீமாவோ பண்டாரநாயக்க 1994 நவம்பர் 14 – 2000 ஆகஸ்ட் 09.
(பிரதமர் பதவியை வகித்த சந்திரிக்கா ஜனாதிபதி தேர்தலில் போட்டியிட்டு வெற்றிபெற்றதால் – அவ்விடத்துக்கு ஶ்ரீமா நியமிக்கப்பட்டார்)
✍️ரத்னசிறி விக்கிரமநாயக்க – 2000 ஆகஸ்ட் 10 – 2000 ஒக்டோபர் 13.
?4ஆவது பாராளுமன்றம்.
✍️ரத்னசிறி விக்கிரமநாயக்க 2000 ஒக்டோபர் 13 – 2001 டிசம்பர் 07.
?5ஆவது பாராளுமன்றம்.
✍️ -ரணில் விக்கிரமசிங்க – 2001 டிசம்பர் 09 – 2004 ஏப்ரல் 02.
?6ஆவது பாராளுமன்றம்.
✍️ -மஹிந்த ராஜபக்ஷ – 2004 ஏப்ரல் 06 – 2005 நவம்பர் 19.
✍️ ரத்னசிறி விக்கிரமநாயக்க – 2005 நவம்பர் 19 – 2010 ஏப்ரில் 20
(மஹிந்த ராஜபக்ச ஜனாதிபதியாக தெரிவுசெய்யப்பட்ட பின்னர் நியமிக்கப்பட்டார்.)
?7ஆவது பாராளுமன்றம்.
✍️ தி.மு. ஜயரத்ன – 2010 ஏப்ரல் 21 – 2015 ஜனவரி 09.
✍️ ரணில் விக்கிரமசிங்க – 2015 ஜனவரி 09 – 2015 ஆகஸ்ட் 21.
(2015 இல் நடைபெற்ற ஜனாதிபதி மைத்திரிபால சிறிசேன வெற்றிபெற்றதையடுத்து பிரதமராக ரணில் விக்கிரமசிங்க பதவியேற்றார்.
?8ஆவது பாராளுமன்றம்.
✍️ரணில் விக்கிரமசிங்க – 2015 ஆகஸ்ட் 24 – 2018 ஒக்டோபர் 26.
✍️மஹிந்த ராஜபக்ச – 2018 ஒக்டோபர் 26 – 2018 டிசம்பர் 15.
(ஒக்டோபர் அரசியல் புரட்சி)
✍️ரணில் விக்கிரமசிங்க – 2018 டிசம்பர் 16 – 2019 நவம்பர் 20.
✍️ ஜனாதிபதி தேர்தலில் கோட்டாபய ராஜபக்ச வெற்றிபெற்ற பின்னர் பிரதமராக மஹிந்த பதவியேற்பு – 2019
✍️ 4ஆவது தடவையும் பிரதமராக மஹிந்த இன்று பதவியேற்பு – 2020
