உக்ரைன் போர் தொடர்பாக பிரதமர் நரேந்திர மோடியும் ரஷ்ய ஜனாதிபதி விளாடிமிர் புடினும் தொலைபேசியில் நேற்று முக்கிய ஆலோசனை நடத்தினர்.
ரஷ்ய ஜனாதிபதி விளாடிமிர் புடினும், அமெரிக்க ஜனாதிபதி ட்ரம்பும் கடந்த 15-ம் திகதி அமெரிக்காவின் அலாஸ்கா மாகாணம் ஆங்கரேஜ் நகரில் சந்தித்துப் பேசினர்.
மூன்று மணி நேரம் நீடித்த இந்த சந்திப்பின்போது எந்த ஒப்பந்தமும் கையெழுத்தாகவில்லை. எனினும் பல்வேறு விவகாரங்களில் உடன்பாடு எட்டப்பட்டு இருப்பதாக தகவல்கள் வெளியாகி உள்ளன.
இந்த சூழலில் அமெரிக்க ஜனாதிபதி ட்ரம்புடன் நடத்திய பேச்சுவார்த்தை குறித்து ரஷ்ய ஜனாதிபதி புடின் நெருங்கிய நட்பு நாடுகளிடம் விவரித்து வருகிறார்.
இதன் ஒரு பகுதியாக அதிபர் புதின் நேற்று பிரதமர் மோடியை தொலைபேசியில்பேசினார். அப்போது உக்ரைன் போர் குறித்து இரு தலைவர்களும் விரிவாக விவாதித்தனர்.
; ட்ரம்புடன் பேசிய விவகாரங்கள் குறித்து பிரதமர் மோடியுடன் அதிபர் புடின் எடுத்துரைத்தார்.
இதுகுறித்து பிரதமர் நரேந்திர மோடி சமூக வலைதளத்தில் வெளியிட்ட பதிவில், “ ஜனாதிபதிட்ரம்புடன் நடத்திய பேச்சுவார்த்தை விவரங்களை ரஷ்ய ஜனாதிபி புடின் என்னோடு பகிர்ந்து கொண்டார். இதற்காக அவருக்கு நன்றி தெரிவித்து கொள்கிறேன். உக்ரைன் விவகாரத்தில் சுமுக தீர்வு எட்டப்பட வேண்டும் என்று இந்தியா வலியுறுத்தி வருகிறது” என்று தெரிவித்துள்ளார்.
