உலகின் பத்து விசித்திரமான பண்ணைகள் (வீடியோ)

மனித குலத்தின் நாகரீக வளர்ச்சியின் மிக முக்கியமான படிமுறைகளில் ஒன்றாக பண்ணைகளை குறிப்பிட முடியும், விவசாயம், விலங்கு வேலாண்மைக்காக மனிதன் பண்ணைகளை பயன்படுத்திக் கொண்டான்.

அந்த வகையில் இன்று நாம் சற்றே வித்தியாசமான நீங்கள் பெரிதாக கேள்விப்பட்டிராத சில பண்ணைகள் பற்றி பார்க்கின்றோம்.

10. பாம்பு பண்ணை

பாங்கொங்கில் அமைந்துள்ள The Queen Saovabha Memorial Institute பண்ணையில் சற்றே வித்தியாசமான உயிரினங்கள் வளர்க்கப்படுகின்றன.

இந்த பண்ணையில் கொடிய விசத்தைக் கொண்ட பாம்புகள் வளர்க்கப்படுகின்றன.

இந்த பாம்புகளிடமிருந்து விசத்தைப் பெற்றுக் கொண்டு விசத்தை முறிக்கக்கூடிய மருந்துகள் தயாரிக்கப்படுகின்றன.

இந்த பண்ணை பிரபல சுற்றுலா தளமாகவும், வித்தியாசமான பண்ணையாகவும் திகழ்கின்றது. பாம்பு கடிக்கான மருந்து கண்டு பிடிப்பது குறித்த ஆய்வுகள் இங்கு முன்னெடுக்கப்படுகின்றன.

9. சிலந்தி ஆட்டு பண்ணை

சிலந்திகளிடமிருந்து சிலந்தி பட்டு பெற்றுக்கொள்வதை விடவும் சிலந்தி பட்டு மரபணுக்களை ஏற்றிய உயிரியல் ரீதியாக மாற்றம் செய்யப்பட்ட ஆடுகளை வளர்த்து அதன் மூலம் பட்டு பெற்றுக்கொள்ளவது சுலமானது என விஞ்ஞானிகள், இந்த முறையை பயன்படுத்துகின்றனர்.

இவ்வாறான ஆட்டுப் பண்ணைகள் சாதாரண ஆட்டுப் பண்ணைகளை விடவும் வித்தியாசமானவை.

இந்த மரபணு மாற்றப்பட்ட ஆடுகளிடமிருந்து கிடைக்கும் பாலின் ஊடாக பயோ ஸ்டீல் எனப்படும் பொருள் கிடைக்கப்பெறுவதாகவும் இது மிகவும் வலிமையானது எனவும் ஆய்வாளர்கள் கூறுகின்றனர்.

8. கடமான் பண்ணை

மான் வகையைச் சேர்ந்த கடமானின் பால் மிகவும் வித்தியாசமானது. மாட்டுப் பாலில் இருப்பதை விடவும் மிக அதிகளவான அமினோ அமிலங்கள் கடமான் பாலில் உண்டு.

ரஸ்யாவில் இந்த மானின் பாலைக் கொண்டு பல நோய்களுக்கு மருந்து தயாரிக்கப்படுகின்றது.

கடமான் வகையானது காட்டில் வளரும் மிருகங்கள் என்பதனால் இந்த பண்ணை ஏனைய பண்ணைகளிலிருந்து மாறுபட்டதாக காணப்படுகின்றது.

குறித்த மான் வகை, குட்டி ஈனும் காலத்தில் மட்டும் ரஸ்யாவின் இந்தப் பண்ணையில் பராமரிக்கப்பட்டு பால் எடுக்கப்படுகின்றது.

7. பாப்பாண்டவரின் பண்ணை

16ம் நூற்றாண்டில் கோடை காலத்தில பாப்பாண்டவர் தங்குவதற்காகவே இந்த கான்டோல்போ கோட்டை கொள்வனவு செய்யப்பட்டது.

62 ஏக்கர் நிலப்பரப்பிலான இந்த பண்ணையில் உற்பத்தி செய்யப்படும் அனைத்து பொருட்களும் வத்திக்கானின் தேவைக்காக மட்டுமே பயன்படுத்தப்படுகின்றது.

பாப்பாண்டவர் பிரான்ஸிஸ் பதவி ஏற்றுக்கொண்டதன் பின்னர் இந்த பண்ணையை விருந்தினர்கள் பார்வையிடுவதற்கு அனுமதிக்கப்பட்டது.

இந்தப் பண்ணையில் வளர்க்கப்படும் கோழிகள், நற்கருணையின் போது வழங்கப்படும் அப்பம் தயாரிக்கப்பட்டு எஞ்சும் பொருட்களை மட்டுமே உட்கொள்கின்றன என்பது சுவாரஸ்யமான தகவலாகும்.

6. உடல் பண்ணை

இந்த பண்ணை பற்றிய தகவல்கள் உங்களை அச்சத்தில் ஆழ்த்தக்கூடியது. இந்த வகை பண்ணைகளில் மனித உடல்கள் காணப்படும். இங்கு மனித உடல்களைக் கொண்டு ஆய்வுகள் நடாத்தப்படுகின்றன.

மனிதனின் உடல் எவ்வாறு சிதைவடைகின்றது, சடலத்தில் ஒவ்வொரு நாளும் ஏற்படக்கூடிய மாற்றங்கள் எவை என்பன குறித்து இந்த வகை பண்ணைகளில் ஆய்வு நடாத்தப்படுகின்றது.

விஞ்ஞான ஆய்வுகளுக்காக கொடையாக வழங்கப்படும் நபர்களின் உடல்கள் இந்த பண்ணைகளில் ஆய்வுக்கு உட்படுத்தப்படுகின்றது.

குறிப்பாக சடலமொன்றை மீட்கும் பொலிஸார் சடலம் இவ்வளவு காலம் பழமையானது என ஊகிப்பதற்கு இந்த ஆய்வுகள் உதவுகின்றன.

5. கஞ்சா பண்ணை

கஞ்சா பல்வேறு மருந்து தயாரிப்பிற்காக பயன்படுத்தப்படுகின்ற போதிலும் அநேக சந்தர்ப்பங்களில் கஞ்சா செடிகள் சட்டவிரோதமாகவே உற்பத்தி செய்யப்படுகின்றது.

அநேகமான கஞ்சா பண்ணைகள் மிகவும் சூட்சுமமாக நூதனமான முறைகளில் உருவாக்கப்படுகின்றன.

பிரித்தானியாவைச் சேர்ந்த ஒருவர் பழைய அணு பதுங்குகுழியொன்றை நிலக்கீழ் கஞ்சா செய்கைக்காக பயன்படுத்தியுள்ளார்.

செயற்கை ஒளி நீர் கட்டமைப்பு என்பனவற்றை அமைத்து இந்த செடிகள் வளர்க்கப்பட்டுள்ளன.

சில வீடுகளிலேயே கஞ்சா செய்கையில் ஈடுபடும் செய்திகளையும் நாம் படித்திருக்கிறோம்.

பனிபடர்ந்த பகுதிகளில் வீடுகளில் கஞ்சா இரகசியமாக உற்பத்தி செய்யப்படும் போது செயற்கை ஒளி பயன்படுத்தப்படுவதனால் அந்தக் கூரைகளில் மட்டும் பனி படர்வதில்லை.

4. அட்டை பண்ணை

பல நூறு ஆண்டுகளாக சில வகை அட்டைகள் மருத்துவ நோக்கங்களுக்காக பயன்படுத்தப்பட்டு வருகின்றன.

நீர் செறிந்த பகுதிகளில் அட்டைகள் பண்ணைகளில் வளர்க்கப்பட்டு அறுவடை செய்யப்படுகின்றன என்றால் நம்ப முடிகின்றதா? எனினும் உண்மையில் இவ்வாறு அட்டைகள் வளர்க்கப்படுகின்றன.

அதி நவீன முறைகளைப் பயன்படுத்தி அட்டைகள் வளர்க்கப்பட்டு அவை மருத்துவமனைகளுக்கு அனுப்பி வைக்கப்படுகின்றன.

3. பன்றி கழிப்பறை

‘பன்றி எல்லாத்தையும் திண்ணும்’’ என பேச்சு வழக்கில் எமது பெரியோர் கூறுவதனை கேட்டிருப்போம், அது உண்;மை இருக்கிறது.

பன்றி பண்ணை வளர்ப்பாளர்கள், பண்டிகளுக்கு மனித மலத்தை உணவாக வழங்குகின்றனர். சீனா போன்ற நாடுகளில் கடந்த காலங்களில் இந்த முறைமை காணப்பட்டது.

பன்றி வளர்ப்போர் மனித கழிப்பறைகளிலிருந்து செல்லும் கழிவினை பன்றிகளுக்கு உணவாக்கும் முறையை உருவாக்கியிருந்தனர்.

பன்றிகளுக்கு மனித மலத்தை உணவாக வழங்கி பின்னர் அதே பன்றியை நாம் உணவாக உட்கொள்வது சிறந்த விடயமாக இருக்காது.

சில வகை ஒட்டுண்ணிகள் மனிதனிலும் பன்றியிலும் இருக்கக்கூடிய சாத்தியங்கள் காணப்படுவதாகவும் இது மனிதனின் ஆரோக்கியத்திற்கு கேடு விளைவி;க்கும் எனவும் எச்சரிக்கை விடுக்கப்படுகின்றது.

2. விண்வெளி பண்ணை

மனிதன் விண்வெளியை தனது கலாணியாக மாற்ற வேண்டுமாயின் பூமியிலிருந்து உணவுப் பொருட்களை உற்பத்தி செய்யாது விண்வெளியிலும் உணவு உற்பத்தி செய்யும் முறையை உருவாக்க வேண்டும்.

அந்த வகையில் ஏற்கனவே விண்வெளியில் சிறு சிறு அளவில் விவசாய முயற்சிகள் முன்னெடுக்கப்பட்டு வருகின்றன. அவ்வாறு விளைவிக்கப்படும் பயிர்கள் ஆய்வுகளுக்காக பூமிக்கு அனுப்பி வைக்கப்படுகின்றது.

2015ம் ஆண்டில் விண்வெளியில் உற்பத்தி செய்யப்பட்ட உணவை விண்வெளிவீரர்கள் உட்கொண்டனர். கோவா, கடுகு, பரட்டைக்கீரை போன்ற சில வகை பயிர்கள் விண்வெளியில் பயிரிடப்பட்டுள்ளன.

1.பறவைக் கூட்டு பண்ணை

அரிதான பொருட்கள் மீது மனிதர்களுக்கு நாட்டம் அதிகம் என்றால் அது பிழையாகாது.

அந்த வகையில் எத்தனையோ உணவு வகைகள் இருந்தாலும் பறவைக் கூடு போன்ற வித்தியாசமான பொருட்களைக் கொண்டு தயாரிக்கும் உணவு வகைகளுக்கு அதிக கிராக்கி நிலவி வருகின்றது.

குறிப்பாக பறவைக் கூட்டைக் கொண்டு தயாரிக்கப்படும் சூப் மிகவும் பிரபல்யமானது.

இந்தோனேசியாவில் மனிதனால் பறவைக் கூடுகள் தயாரிக்கப்பட்டு பறவைகள் குஞ்சு பொரிக்கும் வரையில் காத்திருந்து அந்த பறைவைக் கூடுகளை தனது நுகர்வுக்கா பயன்படுத்தும் முறை காணப்படுகின்றது.

இந்த பறவைக் கூட்டுப் பண்ணைகள் முற்றிலும் மாறுபட்ட பண்ணைகள் என்றால் அது மிகைப்படாது.

உலகின் விசித்திரமான பண்ணைகள் (வீடியோ)

Paid Ad
Previous article‘போர்க் குற்றச்சாட்டுகளில் இருந்து விடுபட உள்ளக விசாரணை அவசியம்’
Next articleதம் அடிக்கலாம் வாங்க! சிகரட்டை விட முயற்சிப்பவரா நீங்கள் : இதோ வந்தது மாற்று