உலகின் மிகவும் வயதான நபராக விளங்கிய ஜப்பானிய பெண் டொமிகோ இடூகா, தமது 116 வயதில் காலமானதாக நேற்று முன்தினம் உத்தியோகபூர்வமாக அறிவிக்கப்பட்டுள்ளது.
கின்னஸ் உலக சாதனையின் படி, உலகின் மிக வயதான நபராக இருந்த ஜப்பானிய பெண் டோமிகோ இடூகா காலமானதாக ஆஷியா நகர அதிகாரி ஒருவர் கடந்த சனியன்று தெரிவித்தார். ஆனால் முதியோர் கொள்கைகளுக்குப் பொறுப்பான அதிகாரியான யோஷிட்சுகு நாகாதா, மத்திய ஜப்பானின் ஹியோகோ ப்ரிஃபெக்சரில் உள்ள ஆஷியாவில் உள்ள ஒரு பராமரிப்பு இல்லத்தில் கடந்த 29 திகதி இடூகா இறந்ததாகக் கூறியுள்ளார்.
வாழைப்பழங்கள் மற்றும் கல்பிஸ் எனப்படும் தயிர்-சுவை கொண்ட ஜப்பானிய பானத்தை விரும்பி உண்ணும் இடூகா, 1908 மே 23 ஆம் திகதி பிறந்தவராவார். ஒசாகாவில் பிறந்த இவர், உயர்நிலைப் பாடசாலையில் கரப்பந்து விளையாட்டு வீரராக இருந்தார். 20 வயதில் திருமணம் செய்து கொண்ட இவருக்கு இரண்டு ஆண் பிள்ளைகளும் இரண்டு பெண் பிள்ளைகளும் உள்ளனர்.
இரண்டாம் உலகப் போரின் போது தனது கணவரின் புடவைத் தொழிற்சாலை அலுவலகத்தை நிர்வகித்த இடுகா, 1979ல் கணவர் இறந்த பிறகு நாராவில் தனியாக வசித்து வந்தார்.
