பசறையில் கஞ்சா விற்பனையில் ஈடுபட்டுவந்தவர் கைது!

பசறை பொலிஸ் பிரிவுக்குட்பட்ட 13ஆம் கட்டை பகுதியில் கஞ்சா விற்பனையில் ஈடுபட்ட நபர் ஒருவரை விசேட அதிரடிப்படையினர் நேற்று மாலை கைது செய்துள்ளனர்.

விசேட அதிரடிப்படையினருக்கு கிடைக்கப்பெற்ற இரகசிய தகவலை அடுத்து ஸ்தலத்திற்கு விரைந்து சுற்றி வளைப்பை மேற்கொண்டனர். இதன்போது ஒரு தொகை கஞ்சாவுடன் சந்தேக நபரை கைது செய்த, அதிரடிப்படையினர் அவரை பசறை பொலிசாரிடம் ஒப்படைத்தனர்.

சந்தேக நபரை இன்றைய தினம் (10.03.2021 ) பதுளை நீதவான் நீதிமன்றில் ஆஜர் படுத்துவதற்கான நடவடிக்கைகளை மேற்கொண்டு வருகின்றனர்.