பாகிஸ்தானின் கைபர் மாவட்டத்தில் நடந்த தாக்குதலில் குறைந்தது இரண்டு இராணுவத்தினர் கொல்லப்பட்டதுடன் மூன்று பேர் காயமடைந்ததாக Dawn செய்திச் சேவை தெரிவித்துள்ளது.
இது குறித்து இதுவரை உத்தியோகபூர்வ அறிவிப்பு எதுவும் வரவில்லை. எனினும், பள்ளத்தாக்கின் பாக்-மைதான் மார்க்கஸில் இருந்து ஏழு கிலோமீட்டர் தொலைவில் உள்ள Thund பகுதியில் தானியங்கி ஆயுதங்களால் மொபைல் வெடிகுண்டு அகற்றும் குழு தாக்குதலுக்கு உள்ளாகியதாக உள்ளூர் செய்திகளை மேற்கோள்காட்டி Dawn செய்தி வெளியிட்டுள்ளது.
ஆயுதமேந்திய பதுங்கியிருந்து இரண்டு எல்லைப் படை (எஃப்சி) வீரர்கள் கொல்லப்பட்டதாகவும் மேலும் மூவர் காயம் அடைந்ததாகவும் அந்த செய்திகள் தெரிவிக்கின்றன.
சம்பவம் நடந்த Dwa Thoye என்ற இடம் இராணுவ சோதனைச் சாவடிக்கு அருகில் உள்ளது. இது பள்ளத்தாக்கிற்கான நுழைவுப் புள்ளியாகும். இங்கு அவர்கள் பள்ளத்தாக்கிற்குள் நுழைவதற்கு முன்பு ஒவ்வொரு பயணிகளின் முழுமையான சோதனை மேற்கொள்ளப்படுகிறது.
சம்பவத்தின் பின்னர் அப்பகுதியில் நிலைகொண்டுள்ள பாதுகாப்புப் படையினர் உடனடியாக தேடுதல் பணியை ஆரம்பித்தனர். அடையாளம் தெரியாத தீவிரவாதிகள் அருகிலுள்ள வன மலைகளில் ஒளிந்துகொண்டதாக தெரிவிக்கப்படுகிறது.
இந்த தாக்குதலுக்கு, தடை செய்யப்பட்ட தெஹ்ரீக்-இ-தலிபான் பாகிஸ்தான் (TTP) பொறுப்பேற்றுள்ளது.
கடந்த ஆண்டு ஜூன் மாதம் முதல் தீராவின் பல்வேறு பகுதிகளுக்குள் பதுங்கியிருந்த அனைத்து விரும்பத்தகாத சக்திகளையும் அகற்றி, பள்ளத்தாக்கில் பாதுகாப்பு கோரி பாக்-மைதான் மார்க்கஸில் நடைபெற்ற மாபெரும் பொதுக்கூட்டம் நடந்து ஒரு வாரத்திற்குப் பிறகுதான் இந்த சம்பவம் நிகழ்ந்துள்ளது.
கடந்த ஆண்டு தெஹ்ரீக்-இ-தலிபான் பாகிஸ்தான் (TTP) மற்றும் இஸ்லாமாபாத் இடையே போர் நிறுத்தம் முறிந்ததில் இருந்து பாகிஸ்தான் தீவிரவாதிகளின் தாக்குதல்களை மீண்டும் தலைதூக்கியுள்ளன.
அண்மையில், தடை செய்யப்பட்ட அமைப்பு பெஷாவரில் உள்ள மசூதியொன்றில் இந்த ஆண்டு ஆரம்பத்தில் 100இற்கும் மேற்பட்டவர்களைக் கொன்றது.
ஐ.நா. பாதுகாப்புப் பேரவையில் சமர்ப்பிக்கப்பட்ட அறிக்கையை மேற்கோள்காட்டி, தெற்காசியாவில் செயல்படும் அனைத்து போராளிக் குழுக்களுக்கும் அடைக்கலம் அளிக்கும் ஒரு அமைப்பை உருவாக்க அல் கொய்தா இயக்கத்துடன் இணைவதற்கு TTP முயன்றுவருவதாக தெரிவிக்கப்பட்டுள்ளது.
