கம்பளை, நகரில் அமைந்துள்ள பிரபல பாடசாலையொன்றின் ஆசிரியருக்கும் மாணவர் ஒருவருக்கும் இடையே ஏற்பட்ட கைகலப்பில் இருவரும் காயமடைந்த நிலையில் கம்பளை வைத்திய சாலையில் அனுமதிக்கப்பட்டனர்.
பின்னர், மாணவனின் செவிப்பறையில் பாதிப்பு ஏற்பட்டுள்ளதாவென பரிசோதனை செய்வதற்காக மாணவன் பேராதனை வைத்திய சாலைக்கு கொண்டு செல்லப்பட்டுள்ளார்.
தரம் 13 இல் கல்வி கற்றுவரும் குறித்த மாணவன் சம்பவதினம் காலை தனது தலை முடியினை வளர்த்து கொண்டு வந்துள்ளதாக தெரியவருகிறது. இதன் போது குறித்த ஆசிரியர் அது குறித்து மாணவனிடன் வினவிய பொழுது இருவருக்கும் இடையே வாய்த்தர்க்கம் ஏற்பட்டுள்ளது.
இச்சந்தர்ப்பத்தில் ஆசிரியர் மாணவனின் கன்னத்தில் அறைந்ததாகவும் இதன் போது குறித்த மாணவன் ஆசிரியரை அருகேயிருந்த பள்ளத்தில் தள்ளிவிட்டதாகவும் தெரிய வருகிறது.
இதன் போது சக ஆசிரியர்கள் இணைந்து இருவரையும் கம்பளை வைத்திய சாலையில் அனுமதித்துள்ளனர்.
08.08.2022 திங்கட்கிழமை அன்று இடம் பெற்றதாகக் கூறப்படும் மேற்படி சம்பவம் தொடர்பாக
கம்பளை பொலிஸாருக்கு கிடைக்கப்பெற்ற முறைப்பாட்டுக்கமைய விசாரணைகளை மேற்கொண்டு வருகின்றனர்.
