வேகமெடுக்கும் கொரோனா பரவல் – பதுளையில் மூடப்பட்டது ஆடைத்தொழிற்சாலை

பதுளை மாவட்டத்தின் ரிதிமாலியத்தை பகுதியில் கொரோனா தொற்றாளர்களின் எண்ணிக்கை நாளாந்தம்  அதிகரிக்கப்பட்டுக் கொண்டிருப்பதால், அப்பகுதியின் கெமுனுபுர ஆடை த் தொழிற்சாலையை உடன்மூடிவிட உத்தரவிடப்பட்டுள்ளது.

பிரதேசத்தின் சுகாதார சேவை பிரதான வைத்திய அதிகாரி அமில கிரிசாவிதான, இந்த உத்தரவைப் பிறப்பித்துள்ளார்.

இன்று 05-02-2021 முதல் அமுலாகும்படி, இவ்கெமுனுபுர ஆடைத்தொழிற்சாலையை மூடிவிட, விடுக்கப்பட்ட உத்தரவில் குறிப்பிடப்பட்டுள்ளது.

கெமுனுபுர ஆடைத் தொழிற்சாலையில், ஆரம்பத்தில் ஓரிருவருக்கு மட்டும் கொரோனா தொற்று ஏற்பட்டிருந்தது.   அதைத் தொடர்ந்து படிப்படியாக கொரோனா தொற்றாளர்களின் எண்ணிக்கை அதிகரிக்கப்பட்டு, 05-02-2021இல்176 பேராகியது. இவ் அதிகரிப்பையடுத்தே, இவ்ஆடைத் தொழிற்சாலை உடன் மூடப்பட்டது.

2500 பேர் இவ் ஆடைத்தொழிற்சாலையில் தொழில்செய்து வருகின்றனர். கடந்த03-02-2021இல் 324பேருக்கு மேற்கொள்ளப்பட்ட பி.சி. ஆர். பரிசோதனையில் 113பேருக்கும், 200 பேருக்கு மேற்கொள்ளப்ப்பட்ட ரெபிட் என்டிஜன் பரிசோதனையில் 63பேருக்கும் கொரோனா தொற்று ஏற்பட்டிருப்பது, இன்று 05-02-2021இல் வெளியான பரிசோதனை அறிக்கையில் ஊர்ஜிதமாகியுள்ளது.

எம். செல்வராஜா, பதுளை