11, 880 மில்லிகிராம் ஹெரோயினுடன் இரண்டு சந்தேகநபர்கள் பதுளை பொலிஸின் போதைப்பொருள் தடுப்பு பிரிவின் அதிகாரிகளால் கைது செய்யப்பட்டுள்ளதாக பொலிஸார் தெரிவித்தனர் .
கைது செய்யப்பட்ட இரண்டு சந்தேக நபர்களில் ஒருவர் பதுளை, பசறை வீதி, 2 கட்டை பகுதியை சேர்ந்த 42 வயதுடையவர் எனவும், பதுளை ஹிந்தகொடவில் வைத்து கைது செய்ததாகவும் கைதுசெய்யும் போது சந்தேக நபரிடம் இருந்து 5670 மில்லி கிராம் ஹெரோயின் கைப்பற்றப்பட்டுள்ளதாக பொலிஸார் தெரிவித்தனர்.
மற்றைய சந்தேக நபர் கொழும்பில் இருந்து பதுளை நோக்கி பயணித்த பேருந்தில் 6210 மில்லிகிராம் ஹெரோயினுடன் வந்த போது பதுளை பிரதான பஸ் நிலையத்தில் வைத்து கைது செய்ததாகவும் குறித்த சந்தேக நபர் புட்கேகந்த பிரதேசத்தை சேர்ந்த 27 வயதுடையவர் என பொலிஸார் தெரிவித்தனர்.
பதுளை போதைப்பொருள் தடுப்பு பிரிவினருக்கு கிடைக்கப்பெற்ற இரகசிய தகவலுக்கு அமையவே இரு சந்தேக நபர்களும் கைதுசெய்யப்பட்டுள்ளதாக பதுளை பொலிஸார் தெரிவித்தனர்.
மேலதிக விசாரணைகளை மேற்கொண்டதன் பின்னர் பதுளை நீதவான் நீதிமன்றத்தில் ஆஜர் படுத்துவதற்கான நடவடிக்கைகளை மேற்கொண்டு வருவதாக பதுளை பொலிஸார் தெரிவித்தனர்.
ராமு தனராஜ்
