” ரணில் அரசின் முன் மண்டியிட தயாரில்லை. நாட்டு மக்களின் பிரச்சினை இன்னும் தீரவில்லை. எமது போராட்டம் தொடரும்.” – என்று அனைத்து பல்கலைக்கழக மாணவர் ஒன்றியத்தின் ஏற்பாட்டாளர் வசந்த முலிகே சூளுரைத்துள்ளார்.
வசந்த முலிகேவிற்கு எதிராக கோட்டை நீதவான் நீதிமன்றத்தில் முன்னெடுக்கப்பட்ட 03 வழக்குகளிலும் அவருக்கு இன்று பிணை வழங்கப்பட்டுள்ளது.
அதன்பின்னர் நீதிமன்ற வளாகத்தில் வைத்து கருத்து வெளியிடுகையலேயே அவர் இவ்வாறு சூளுரைத்தார்.
” நாட்டு மக்களின் பிரச்சினைகளை தீர்ப்பதற்கு இந்த அரசு நடவடிக்கை எடுக்கவில்லை. மாறாக மக்கள்மீது வரிகள் சுமத்தப்பட்டுள்ளன. அரச ஊழியர்களின் சம்பளப் பிரச்சினை தீரவில்லை. எனவே, இந்த அரசின் முன் மண்டியிட நாம் தயாரில்லை. இது ஆரம்பம் மட்டுமே. மக்கள் சக்தி என்னவென்பதை விரைவில் காட்டுவோம்.” – என்றார்.
