உலகின் முன்னணி இணைய விற்பனைத் தளமொன்றில் இலங்கையின் தேசியக் கொடியுடன் பாபிஸ் எனப்படும் கால்துடைபான் மற்றும் பாதணிகளைக் காட்சிப்படுத்தியுள்ளது.
உலக பிரசத்திபெற்ற அமேசான் என்ற இணையத்தளத்தில் இந்த விற்பனை காட்சிப்படுத்தப்பட்டுள்ளது. அத்துடன், இதனை இலங்கைக்கு தபால் மூலம் பெறுவதற்கான வசதியும் குறித்த இணையளத்தில் கொடுக்கப்பட்டுள்ளது.
குறித்த ஒரு பாப்பிசின் விலை 12 அமெரிக்க டொலர்கள் எனவும், விநியோகக் கட்டணம் 9 அமெரிக்க டொலர் எனவும் அதில் குறிப்பிடப்பட்டுள்ளது.
அத்துடன், இலங்கை தேசியக் கொடி பொதிக்கப்பட்ட ஒரு ஜோடி காலணி, 20 அமெரிக்க டொலர்கள் எனவும் இதற்கான விநியோகக் கட்டணம் 10 அமெரிக்க டொலர்கள் எனவும் குறிப்பிடப்பட்டுள்ளது.
இதேவேளை, குறித்த வணிக இணைத்தளத்தில் வேறுபல நாடுகளின் தேசியக் கொடியுடனான விற்பனை பொருட்களும் காட்சிப்படுத்தப்பட்டுள்ளதாக இலங்கையின் கூட்டுறவு சேவைகள், சந்தைப்படுத்தல் மேம்பாடு மற்றும் நுகர்வோர் பாதுகாப்புத்துறை அமைச்சர் லசந்த அழகியவண்ண தெரிவித்துள்ளார்.
அத்துடன், இவ்வாறான பொருட்களை இலங்கைக்குள் எவ்வகையிலும் அனுமதிப் போதிவல்லை எனவும், வேறு நாடுகளில் இலங்கை தேசியக் கொடியுடனான பாபிஸ் மற்றும் காலணிகள் பயன்படுத்தப்பட்டால் அவற்றுக்கெதிராக அந்தந்த நாடுகளில் உள்ள தூதரகங்கள், கொன்சோல் அலுவலகங்கள் கடுமையான நடவடிக்கை எடுப்பதாகவும் அமைச்சர் மேலும் தெரிவித்துள்ளார்.
