இவர்கள் மட்டும் தப்பித்தவறி கூட கருவாட்டை சாப்பிடவே கூடாதாம்

கருவாடு யாருக்கு தான் பிடிக்காது. சிலருக்கு கருவாடு வாசனை தான் பிடிக்காதே தவிர, சமைத்த பிறகு ஒருப்பிடி பிடிக்காமல் விட மாட்டார்கள்.

கருவாடு பலருக்கு சரியாக சமைக்க தெரியாது. அதனால், சுவை சரியாக வராது. எல்லா வகை கருவாடும் உடலுக்கு நல்ல தான்.

கருவாடு கறி சமைக்கும் வரை அல்லது பொரியல் செய்யும் வரை வேண்டாம் என்று சொல்பவர்கள் செய்தபின் சட்டியையே துடைத்து சாப்பிட்ட நினைவுகளும் உள்ளது.

இப்படியான கருவாட்டில் இருக்கும் சத்துக்கள் அதிகமானவை, குறிப்பாக சின்ன கருவாடான நெத்தலி. நெத்தலி தினமும் உணவில் சேர்த்துக் கொள்வது கூட சிறந்தது என்று சொல்கின்றனர்.

அந்த அளவிற்கு பயனுள்ளது இந்த கருவாட்டு வகைகள். குறிப்பாக மாமிச வகைகளில் கொழுப்பு குறைந்தவை என்றால் மீன் மற்றும் கருவாடு தான்.

இத்தனை நல்ல விடயங்களை கூறிவிட்டு ஏன் கருவாட்டை சாப்பிட வேண்டாம் என கூறுகின்றோம் தெரியுமா? எல்லோரும் உடல் நிலையும் ஒரே மாதிரி கிடையாது என்பது நீங்கள் அறிந்தது தான். ஒவ்வொருவரின் நோய்களை பொறுத்து தானே உணவு எடுத்துக் கொள்ள முடியும்.?

அசைவ உணவுகளில் அதிக கொழுப்பு சத்து இல்லாத உணவு மீன் மற்றும் கருவாடு தான். ஆனால், கருவாட்டை எந்தெந்த உணவுகளுடன் சேர்த்து சாப்பிடக் கூடாது, யாரெல்லாம் சாப்பிடக் கூடாது என உங்களுக்கு தெரியுமா?

மீன், நண்டு

கருவாடு மட்டுமின்றி மீன், நண்டு போன்ற உணவுகள் சாப்பிடும் போதும், மோர், தயிர், கீரை போன்ற உணவுகள் சேர்த்துக் கொள்ள கூடாது. இது புட் பாய்சன் ஆக காரணமாகலாம்.

வாந்தி, பேதி

மிளகு, பூண்டு, சீரகம், திப்பிலி போன்றவை சேர்த்து ரசம் வைத்து கருவாட்டுடன் சேர்த்து சாப்பிடுவது ஆரோக்கியமானது. மேலும் இந்த ரசத்தை தனியாக குடித்து வந்தால் அஜீரணம், வாந்தி, பேதி ஆகாமல் தடுக்கும்.

தலை குளியல்

தலைக்கு எண்ணெய் தேய்த்து குளிக்கும் போது கருவாடு, மீன், நண்டு, இறால், தயிர், மோர் போன்ற உணவுகள் சாப்பிட கூடாது.

சைனஸ்

சைனஸ், மூக்கடைப்பு, சளி, இருமல், தும்மை, காய்ச்சல், ஆஸ்துமா போன்ற கோளாறு உள்ளவர்கள் எண்ணெய் தேய்த்து குளிக்கவே கூடாது.

வெண் மேகம்

மீன், கருவாடு சாப்பிட்ட பிறகு பால், தயிர் சாப்பிடக்கூடாது. மீறி உண்டால் “வெண் மேகம்” போன்ற நோய்கள் வர வாய்ப்புள்ளது.

ரத்த அழுத்தம்

ரத்த அழுத்தம் மற்றும் சர்க்கரை அதிகம் உள்ளவர்கள் உப்பு அதிகம் உள்ள உணவுகளை எடுத்துக் கொள்வதை தவிர்க்க வேண்டும்.

சரும பிரச்சனை

சரும பிரச்சனை மற்றும் ஒவ்வாமையால் அவதிப்படுபவர்கள் கருவாடு சாப்பிடாமல் இருப்பது நலம்.