ஐக்கிய தேசியக் கட்சியால் மாத்திரமே இந்நாட்டை கட்டியெழுப்ப முடியும் என்று அக்கட்சியின் தலைவர் ரணில் விக்கிரமசிங்க தெரிவித்தார்.
” டி.எஸ். சேனாநாயக்கவால் உருவாக்கப்பட்ட ஐக்கிய தேசியக்கட்சியே இந்நாட்டில் நிலவிய பிரச்சினைகளுக்கு தீர்வுகளை கண்டது. எனவே, பிரச்சினைகளை எப்படி தீர்ப்பது என்ற அனுபவம் எமது கட்சிக்கு உள்ளது.
சர்வதேச நாடுகளும் எமக்கு உதவி செய்யும். ஈஸ்டர் தாக்குதலுக்கு பின்னர் பொருளாதாரம் வீழ்ந்தது. டிசம்பரில் மீட்டெழுத்தோம். அதிகாரம் கிடைத்த பின்னர் பொருளாதாரத்தை கட்டியெழுப்புவோம்.
ஐக்கிய தேசியக்கட்சிக்குள் இருந்தால்தான் அதனை செய்யமுடியும். அந்த கட்சியை விட்டு வெளியேறினால் என்னால்கூட அதனை செய்யமுடியாது என்பதை வெளியேறியவர்களுக்கு கூறிக்கொள்ள விரும்புகின்றேன்.” – என்றும் ரணில் விக்கிரமசிங்க கூறினார்.
