இளைஞர் விவகார மற்றும் தொழில்பயிற்சி அமைச்சராக நாமல் ராஜபக்ச நியமிக்கப்படவுள்ளார் என அரசியல் வட்டாரங்களில் இருந்து அறியமுடிகின்றது.
புதிய அரசாங்கத்தின் அமைச்சரவை எதிர்வரும் 14 ஆம் திகதி கண்டி தலதாமாளிகையிலுள்ள பாரம்பரிய மண்டபத்தில் பதவியேற்கவுள்ளது.
இதன்போதே நாமல் ராஜபக்சவும் அமைச்சராக பதவியேற்கவுள்ளார். 2010, 2015 ஆம் ஆண்டுகளில் நடைபெற்ற தேர்தல்களில் நாமல் ராஜபக்ச வெற்றிபெற்றிருந்தாலும் அவருக்கு எவ்வித பதவிகளும் வழங்கப்படவில்லை.
இவ்வாறானதொரு பின்புலத்திலேயே இம்முறை அவர் அமைச்சரவைக்கு உள்வாங்கப்பட்டுள்ளார்.
