‘மஹிந்தவுக்கும் ரணிலுக்கும் எவ்வித வேறுபாடும் இல்லை’-ரஞ்சித் மத்தும பண்டார

முன்னாள் பிரதமர்களான ரணில் விக்ரமசிங்கவிற்கும் மஹிந்த ராஜபக்சவிற்கும் இடையில் வேறுபாடு இல்லை என ஐக்கிய மக்கள் சக்தி குற்றம் சுமத்தியுள்ளது.

ஊடகவியலாளர் சந்திப்பில் உரையாற்றிய ஐக்கிய மக்கள் சக்தியின் பொதுச் செயலாளர் பாராளுமன்ற உறுப்பினர் ரஞ்சித் மத்தும பண்டார, ஐக்கிய தேசியக் கட்சியின் தலைவர் ஶ்ரீலங்கா பொதுஜன முன்னணியுடன் பாரியளவில் தொடர்பு கொண்டுள்ளதாக குற்றம் சுமத்தினார்.

ரணில் விக்கிரமசிங்கவுக்கும் முன்னாள் பிரதமர் மஹிந்த ராஜபக்சவுக்கும் இடையில் வேறுபாடு இல்லை என அவர் தெரிவித்துள்ளார்.

புதிய அரசாங்கத்தை அமைப்பதில் ஐக்கிய மக்கள் சக்தி பாராளுமன்ற உறுப்பினர்களின் ஈடுபாடு தொடர்பில் ஊடகவியலாளர் ஒருவர் எழுப்பிய கேள்விக்கு பதிலளித்த பாராளுமன்ற உறுப்பினர் மத்தும பண்டார, கட்சியின் எந்தவொரு உறுப்பினருக்கும் அவர் விரும்பியதைச் செய்வதற்கு ஜனநாயக உரிமை உண்டு என்றார்.

எவ்வாறாயினும், வதந்திகள் இருந்தபோதிலும், எந்தவொரு ஐக்கிய மக்கள் சக்தி பாராளுமன்ற உறுப்பினரும் ஶ்ரீலங்கா பொதுஜன முன்னணி பாராளுமன்ற உறுப்பினர்களுடன் அரசாங்கத்தை அமைக்க விரும்பவில்லை எனத் தெரிவித்திருந்தார்.

ஐக்கிய தேசியக் கட்சியின் பொதுச் செயலாளர் பாலித ரங்கே பண்டாரவின் 20 நாடாளுமன்ற உறுப்பினர்கள் ஐக்கிய தேசியக் கட்சியில் இணையத் தயார் என தெரிவித்தமை தொடர்பில் ஊடகவியலாளர் ஒருவர் வினவியபோது, ​​அது பழைய செய்தி என அவர் மறுத்துள்ளார்.

புதிய அமைச்சரவையை ஸ்தாபிப்பதில் ஐக்கிய தேசியக் கட்சியின் பாராளுமன்ற உறுப்பினர் எவரும் ஈடுபடமாட்டார்கள் என தாம் நம்புவதாக பாராளுமன்ற உறுப்பினர் ரஞ்சித் மத்தும பண்டார தெரிவித்துள்ளார்.

ஒரு தனி குறிப்பில், கட்சி நாட்டை ஆளும் பொறுப்பை ஏற்கும் பல நிபந்தனைகளை முன்மொழிந்தது என்றார்.

தற்போதைய ஜனாதிபதி பொதுமக்களால் நிராகரிக்கப்பட்டு நாட்டை பொருளாதார அழிவுக்கு இட்டுச் செல்லும் ஜனாதிபதி கோட்டாபய ராஜபக்சவின் பதவி விலகல் தொடர்பில் திட்டவட்டமான காலக்கெடுவை ஏற்றுக்கொள்ள வேண்டும் என பாராளுமன்ற உறுப்பினர் தெரிவித்தார்.

இரண்டாவது நிபந்தனையானது குறுகிய கால இடைக்கால அரசாங்கத்தின் செயற்பாடுகளில் ஜனாதிபதி தலையிடக் கூடாது என்பதை மேற்கோள் காட்டுவதாக அவர் கூறினார்.

அரசியலமைப்பு கட்டமைப்பிற்கு உட்பட்டு அனைத்து அரசியல் கட்சிகளுடனும் இணக்கப்பாட்டுடன் நிறைவேற்று ஜனாதிபதி முறைமையை நீக்குவது மூன்றாவது நிபந்தனையாகும் என பாராளுமன்ற உறுப்பினர் மத்தும பண்டார தெரிவித்துள்ளார்.

ஐக்கிய தேசியக் கட்சி முன்வைத்துள்ள நான்காவது நிபந்தனை, , இயல்பான நிலை மற்றும் சட்டத்தின் ஆட்சியை அடைந்தவுடன் ஒரு பொதுத் தேர்தலை நடத்துவது.

மேற்குறிப்பிட்ட நிபந்தனைகள் நிறைவேற்றப்பட்டால், நாட்டை ஆளும் பொறுப்பை ஏற்க ஐக்கிய தேசியக் கட்சி தயாராக இருப்பதாக பாராளுமன்ற உறுப்பினர் கூறினார்.