20 ஓவர் உலகக்கிண்ண கிரிக்கெட் போட்டி எதிர்வரும் ஒக்டோபர் 17 ஆம் திகதி அமீரகத்தில் (UAE) ஆரம்பமாகவுள்ளது.
7ஆவது 20 ஓவர் உலக கோப்பை கிரிக்கெட் போட்டியை ஒக்டோபர், நவம்பர் மாதங்களில் இந்தியாவில் நடத்த திட்டமிடப்பட்டது. எனினும், இந்தியாவில் கொரோனா பரவல் இன்னும் கட்டுக்குள் வராததால் இந்த போட்டி ஐக்கிய அரபு அமீரகத்துக்கு மாற்றப்படுகிறது.
இது குறித்து அதிகாரபூர்வமாக அறிவிக்கப்படாவிட்டாலும் அமீரகத்தில் போட்டியை நடத்துவதற்குரிய முதற்கட்ட பணிகளை சர்வதேச கிரிக்கெட் சபை (ஐ.சி.சி.) ஆரம்பித்துவிட்டது.
ஒத்திவைக்கப்பட்ட எஞ்சிய ஐ.பி.எல். கிரிக்கெட் போட்டி செப்டம்பர் 19 ஆம் திகதி முதல் ஒக்டோபர் 15 ஆம் திகதிவரை அமீரகத்தில் நடத்த உத்தேசிக்கப்பட்டு உள்ளது.
அதன் தொடர்ச்சியாக ஒக்டோபர் 17 ஆம் திகதி முதல் நவம்பர் 14 ஆம் திகதிவரை 20 ஓவர் உலக கிண்ண போட்டியை அங்குள்ள துபாய், அபுதாபி, சார்ஜா ஆகிய நகரங்களில் நடத்த ஐ.சி.சி. முடிவு செய்திருப்பதாகவும், இதில் தொடக்க கட்ட சில ஆட்டங்கள் ஓமனில் நடைபெறும் என்றும் தகவல்கள் வெளியாகியுள்ளன.
