“வேர்களை தேடி” – தமிழரின் பண்பாட்டு அடையாளத்தை மீளக் கண்டெடுக்கும் ஒரு நெடுந்தொலைவுப் பயண அனுபவம்

“வேர்களை தேடி” – தமிழரின் பண்பாட்டு அடையாளத்தை மீளக் கண்டெடுக்கும் ஒரு நெடுந்தொலைவுப் பயண அனுபவம்

“மனதின் ஓரத்தில் நழுவிய தமிழை,
மண்ணின் வாசலில் மீண்டும் தொட்டு பார்த்தோம்.
நிழலாய் வாழ்ந்த நம்மை,
வேராய் அழைத்தது தமிழ் நாடு ”

இந்த நினைவில் நிலைக்கும் பயண அனுபவம், தமிழ்நாட்டை வளர்ச்சி மற்றும் மரபு இரண்டுக்கும் மேம்பட்ட உறுதிப்பாட்டுடன் வழிநடத்தும் ஒரு அரசின் பொறுப்புணர்வின் பிரதிபலிப்பாக அமைந்தது.

மாண்புமிகு தமிழ்நாடு முதலமைச்சர் திரு. மு.க. ஸ்டாலின் அவர்களின் தொலைநோக்குக் கண்ணோட்டத்தால், “வேர்களை தேடி” திட்டம் வெறும் நிகழ்வாக அல்ல, தமிழர்களின் அடையாள தேடலுக்கான நெடுந்தொலைப் பாலமாக உயர்ந்தது.

2025-ம் ஆண்டு ஆகஸ்ட் 1 முதல் 15ஆம் தேதி வரை,
17 நாடுகளிலிருந்து தேர்ந்தெடுக்கப்பட்ட 100 தமிழ் இளைஞர்கள்,
அவர்களில் இலங்கையைச் சேர்ந்த 9 மாணவர்கள் உள்ளிட்டோர்,
தமிழக அரசு நடத்தும் “வேர்களை தேடி” பயணத் திட்டத்தில் பங்கேற்று,
தாயகத்தின் மண்ணையும், மரபையும், மொழியையும், மனதின் ஆழத்தில் பதித்தனர்.

இந்த பயணம், புலம்பெயர்ந்த தமிழர்கள் தங்களின் பண்பாட்டு அடையாளத்தை மீளக் கண்டறியும் ஒரு உணர்வுப்பூர்வ முயற்சி மட்டுமல்ல –
தமிழரின் பாரம்பரிய ஒற்றுமையின் சாட்சி.

📌 அறிமுக நிகழ்ச்சி – சென்னையில் சிறப்பாக தொடக்கம்

இந்த பயணத்தின் தொடக்க நிகழ்வு,
சென்னை அண்ணா நூற்றாண்டு நூலகத்தில்,
தமிழ்நாடு சிறுபான்மையினர் நலன் மற்றும் வெளிநாடு வாழ் தமிழர் நலத்துறை அமைச்சர் மாண்புமிகு திரு. சா.மு. நாசர்,
அயலகத் தமிழர் நலன் மற்றும் மறுவாழ்வுத் துறை ஆணையாளர் மாண்புமிகு திரு. வள்ளலார் ஆகியோரின் தலைமையில் கோலாகலமாக நடைபெற்றது.

பாரம்பரிய தமிழ் கிராமிய கலை நிகழ்ச்சிகள் மூலம் நிகழ்ச்சி மகிழ்ச்சியான முறையில் தொடங்கப்பட்டது.

பின்னர் மாணவர்கள்,
மாண்புமிகு தமிழ்நாடு முதலமைச்சர் திரு. மு.க. ஸ்டாலின்,
மாண்புமிகு துணை முதலமைச்சர் திரு. உதயநிதி ஸ்டாலின் ஆகியோருடன் நேரில் சந்தித்து உரையாடும் வாய்ப்பைப் பெற்றனர்.
இது அவர்களின் வாழ்நாள் நினைவாகவும், தாயகத்தின் அருகாமையை உணர்த்திய தருணமாகவும் இருந்தது.

📌 பாரம்பரிய நினைவிடங்கள் – கலாச்சார பார்வைச் சுழற்சி

மாணவர்கள், மாமல்லபுரம், தஞ்சை, தாராசுரம், சிதம்பரம், மதுரை போன்ற யுனெஸ்கோ பாரம்பரியக் கோயில்கள் மற்றும் கலைக்கூடங்களை பார்வையிட்டனர்.

சிற்பக்கலை, ஓலைச்சுவடி பயிலரங்கம் போன்ற நிகழ்வுகள் தமிழ் கலையின் ஆழத்தையும் பெருமையையும் உணர்த்தின.

📌 இயற்கை, கட்டிடக்கலை மற்றும் வரலாற்று தளங்கள்

புதுச்சேரி, பிச்சாவரம், கன்னியாகுமரி, பாம்பன் பாலம் போன்ற இடங்கள் அவர்கள் அனுபவங்களைப் பரவசத்துடன் நிரப்பின.

கீழடியில் உள்ள சங்ககால அகழ்வாய்வு தளம், தமிழ் நாகரிகத்தின் தொன்மையை நேரில் உணர வைத்தது.

📌 தொழில்நுட்ப வளர்ச்சி மற்றும் ஆன்மீக அனுபவம்

கோயம்புத்தூர், சேலம், இராணிப்பேட்டை, வேலூர், காஞ்சிபுரம் ஆகிய தொழில்துறைக் கணக்குகளில் மாணவர்கள் தமிழகத்தின் வளர்ச்சியை கண்கூடாக பார்த்தனர்.

மதுரை மீனாட்சி அம்மன் கோயிலும், ராமேஸ்வரம் கோயிலும் ஆன்மீக ஒளியால் மாணவர்களை நெகிழ வைத்தன.

📌 சுதந்திர தின விழா மற்றும் நிறைவு நிகழ்ச்சி

2025 ஆகஸ்ட் 15: மாணவர்கள் இந்திய சுதந்திர தின அதிகாரப்பூர்வ நிகழ்வுகளில் பங்கேற்று, தேசிய ஒற்றுமையை நேரில் அனுபவித்தனர்.

பெரியார் திடலில் நடைபெற்ற நிறைவு விழாவில், மாணவர்கள் தங்கள் அனுபவங்களை பகிர்ந்துகொண்டனர் — உணர்ச்சியோடு, நன்றியோடு, பெருமையோடு.இறுதியில் மாணவர்களுக்கு தமிழ் பண்பாட்டு கலாச்சார தூதுவர் என்று பெயர் பதித்த சான்றிதழும் வழங்கப்பட்டது.

வாய்ப்பினை வழங்கிய தமிழ்நாடு அரசுக்கும், மாண்புமிகு முதலமைச்சருக்கும், சித்தம் அழகியான் தலைவர், கனடியத் தமிழ்ச்சங்கம் திரு.இராசரத்தினம் ஐயா அவர்களுக்கும் என் மனமார்ந்த நன்றிகள்.

வாய்மையின் ஒளியில் வெற்றி! தமிழ்மொழி நம் உயிர்! தமிழ்நாடு நம் பெருமை! உயர்ந்து வாழ்வோம் தமிழராய்!

📌 முடிவுரை

“வேர்களை தேடி” என்பது ஒரு சுற்றுலா அல்ல — அது தமிழரின் பண்பாட்டு அடையாளத்தைக் கண்டறியும் அரசியலற்ற ஆன்மிகப் பாலம். புலம்பெயர்ந்த தமிழர்களை தாயகத்தின் கலாச்சார அடையாளத்துடன் மீண்டும் இணைக்கும் முயற்சியாகவும், நவீன உலகத்தில் தமிழின் தாக்கத்தை உறுதிப்படுத்தும் முயற்சியாகவும் இது அமைகிறது.

“தமிழ்நாடு அரசு இளைஞர்களின் நிழலில் ஒளியை நோக்கும் நோக்கத்தோடு,
இந்த பயணத்தை உருவாக்கியது.
அது வெறும் பயணம் அல்ல –
தாயகத்தின் தொடுதலால், தமிழின் அடையாளத்தை மனதிற்குள் மீட்டெடுக்கும் ஒரு வாழ்வு அனுபவம்.”

தமிழின் பெருமையை உணர்ந்து பகிர்பவள் – நான் விஜயகுமாரன் தர்ஷிகா ✍️ இந்தியா மற்றும் இலங்கை இரு நாடுக்களுக்குமான தமிழ் கலாச்சார பண்பாடு தூதுவர்.