உலக வர்த்தக அமைப்பு மற்ற நாடுகளுக்கு செவிசாய்க்க வேண்டும் என்று இந்தியா விரும்புகிறது என்று இந்திய மத்திய நிதியமைச்சர் நிர்மலா சீதாராமன் வலியுறுத்தினார், உலக வர்த்தக அமைப்பு நாடுகளின் கருத்துக்களை செவிமடுக்க அதிக இடம் கொடுக்க வேண்டும், WTO மிகவும் முற்போக்கானதாகவும், அனைத்து நாடுகளின் பேச்சைக் கேட்கவும், அனைத்து உறுப்பினர்களுக்கும் நியாயமாகவும் இருக்க வேண்டும் என்று நான் விரும்புகிறேன் என அவர் சுட்டிக்காட்டினார்.
“நான், அதிர்ஷ்டவசமாக, 2014 மற்றும் 2017 க்கு இடையில் இந்தியாவின் வர்த்தக அமைச்சராக WTO உடன் சிறிது நேரம் செலவிட்டேன். அவ்வமைப்பு ஏனைய நாடுகளின் குரல்களைக் கேட்க அதிக இடம் கொடுக்க வேண்டும். ஏனென்றால் உலக வர்த்தக அமைப்பின் இன்றைய செய்தி அதிக வெளிப்படைத்தன்மையைக் கொண்டிருக்க வேண்டும்,” என்று சீதாராமன் வலியுறுத்தினார்.
“அமெரிக்க வர்த்தக செயலாளர் (sic) கேத்ரின் டாயின் வார்த்தைகளை நினைவுபடுத்துவது பயனுள்ளதாக இருக்கும். அவர் சமீபத்தில் பேசியிருந்தார், பாரம்பரிய வர்த்தக அணுகுமுறை என்ன என்பதைப் பற்றிய அந்த வார்த்தையால் நான் மிகவும் ஈர்க்கப்பட்டேன். சந்தையை தாராளமயமாக்குவது என்றால் என்ன? கட்டணக் குறைப்பு அடிப்படையில் உண்மையில் என்ன அர்த்தம்? என்பதை பற்றி அவர் பேசினார்.
“இது இப்போது உண்மை, நாடுகள் அதைப் பார்க்கின்றன. சந்தை தாராளமயமாக்கல் எந்த அளவிற்கு இருக்க வேண்டும் என்று நாடுகள் உற்று நோக்கும் காலம் இது. இது அமெரிக்கப் பொருளாதாரத்திற்கு விலையுயர்ந்த விளைவுகளை ஏற்படுத்தியிருக்கிறது, அதுவே அமெரிக்க வர்த்தகச் செயலாளரும் கூறியது. அமெரிக்காவின் வர்த்தகச் செயலர் அப்படி உணர்ந்தால், 2014 மற்றும் 2015 இல் நானும் அதையே உணர்ந்தேன். அநேகமாக எனது பேச்சு உலக ஊடகங்களில் இடம்பெறவில்லை. ஆனால் உலகளாவிய தென்நாடுகளில் பலவும் இதே உணர்வைக் கொண்டுள்ளன,” என்று அவர் கூறினார்.
“இது சரியாக என்ன? தாராளமயமாக்கல் என்பது எவ்வளவு தூரம்? எந்த அளவுக்கு கட்டணக் குறைப்பு? இந்தியா போன்ற குறைந்த வளர்ச்சியடைந்த நாடுகளிடம் நீங்கள் கேட்டால், அமெரிக்க வர்த்தகச் செயலர் போன்ற கருத்துதான் இருக்கும். ஆனால் இந்தியாவில், நாங்கள் ஏற்கனவே அனைத்து குறைந்த வளர்ச்சியடைந்த நாடுகளுக்கும், ஒதுக்கீடு இல்லாத, கட்டணமில்லா வர்த்தகக் கொள்கையை விரிவுபடுத்தியுள்ளோம்,” என்று அவர் கூறினார்.
“எனவே எந்த நாடும், ஆபிரிக்கா அல்லது வேறு எங்கிருந்தும் சொல்லலாம், குறைந்த வருமானம் கொண்ட நாடுகள் இந்த கட்டுப்பாடுகள் எதுவும் இல்லாமல் இந்தியாவுக்கு ஏற்றுமதி செய்யலாம். எனவே, சாத்தியமான இடங்களில், நாங்கள் வழியைத் திறக்கிறோம், ஆனால் அதே நேரத்தில், இந்தியா எவ்வாறு மறுஉற்பத்தி செய்கிறது என்பதைப் பார்க்க வேண்டும்” என்று அவர் கூறினார்.
