2024 ரி20 உலகக்கோப்பை கிரிக்கெட் தொடர் மேற்கிந்திய தீவுகள் மற்றும் அமெரிக்காவில் ஜூன் மாதம் நடைபெற உள்ளது. இந்த தொடரில் மொத்தம் 20 அணிகள் பங்கேற்கவுள்ளன.
அதன்படி அமெரிக்கா, மேற்கிந்திய தீவுகள், ஆஸ்திரேலியா, இங்கிலாந்து, இந்தியா, நெதர்லாந்து, நியூசிலாந்து, பாகிஸ்தான், தென் ஆப்பிரிக்கா, இலங்கை, ஆப்கானிஸ்தான், பங்களாதேஷ், அயர்லாந்து, ஸ்காட்லாந்து, பப்புவா நியூ கினியா, கனடா, நேபாளம், ஓமான், நமீபியா மற்றும் உகாண்டா ஆகிய அணிகள் கலந்து கொள்கின்றன.
இந்த நிலையில், 2024 உலகக்கோப்பை தொடரின் போட்டி அட்டவணை நேற்று வெளியிடப்பட்டுள்ளது. தொடரில் கலந்து கொள்ளும் 20 அணிகள் 4 பிரிவுகளாக பிரிக்கப்பட்டுள்ளன.
அதன்படி பிரிவு ஏ-ல் இந்தியா, பாகிஸ்தான், அயர்லாந்து, கனடா, அமெரிக்கா அணிகளும், பிரிவு பி-ல் இங்கிலாந்து, ஆஸ்திரேலியா, நமீபியா, ஸ்காட்லாந்து, ஓமான் அணிகளும், பிரிவு சி-ல் நியூசிலாந்து, மேற்கிந்திய தீவுகள், ஆப்கானிஸ்தான், உகாண்டா, பாபுவா நியூ கினியா அணிகளும், பிரிவு டி-ல் தென் ஆப்பிரிக்கா, இலங்கை, வங்காளதேசம், நெதர்லாந்து, நேபாளம் அணிகளும் இடம் பெற்றுள்ளன.
ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்றின் முடிவில் ஒவ்வொரு பிரிவிலும் முதல் இரு இடங்களை பிடிக்கும் அணிகள் சுப்பர் 8 சுற்றுக்கு தெரிவாகும்.
இதிலிருந்து 4 அணிகள் அரையிறுதிக்கு முன்னேறும். லீக் சுற்று ஆட்டங்கள் ஜூன் 1-ம் திகதி தொடங்குகிறது. முதலாவது ஆட்டத்தில் அமெரிக்கா மற்றும் கனடா அணிகள் மோதவுள்ளன.
2024 ரி 20 உலககோப்பை தொடரின் அரையிறுதி ஆட்டங்கள் ஜூன் 26 மற்றும் 27ம் திகதிகளிலும், இறுதிப் போட்டி ஜூன் 29 ஆம் திகதிவும் நடைபெற உள்ளதாக தெரிவிக்கப்பட்டுள்ளது.
லீக் ஆட்டத்தில் ஜுன் 3 ஆம் திகதி இலங்கை, தென்னாபிரிக்கா அணிகள் மோதுகின்றன.
ஜுன் 07 இலங்கை, பங்களாதேஷ் அணிகள் பலப்பரீட்சை நடத்தவுள்ளன.
