உலகக் கிண்ண இருபதுக்கு 20 கிரிக்கெட் தொடரின் முதல் சுற்றின் 8 ஆவது போட்டியில் இலங்கை அணி 70 ஓட்டங்களால் வெற்றி பெற்றுள்ளது.இதன்மூலம் இலங்கை அணி சுப்பர் 12 சுற்றுக்கு தகுதி பெற்றுள்ளது.
நேற்றைய போட்டியில் முதலில் துடுப்பெடுத்தாடிய இலங்கை அணி நிர்ணயிக்கப்பட்ட 20 ஓவர்கள் நிறைவில் 07 விக்கெட்டுக்களை இழந்து 171 ஓட்டங்களைக் குவித்தது.
வனிந்து ஹசரங்க 71 ஓட்டங்களையும், பெத்தும் நிஸங்க 61 ஓட்டங்களையும் பெற்றனர்.
பின்னர், 172 என்ற வெற்றி இலக்கை நோக்கித் துடுப்பெடுத்தாடிய அயர்லாந்து அணி 18.3 ஓவர்கள் நிறைவில் சகல விக்கெட்டுக்களையும் இழந்து 101 ஓட்டங்களை பெற்று, 70 ஓட்டங்களால் தோல்வியடைந்தது.
ஆட்டநாயகனாக வனிந்து ஹசரங்க தெரிவு செய்யப்பட்டார்.
