பங்களாதேஷ் மற்றும் ஆப்கானிஸ்தான் அணிகளுக்கிடையில் இன்று நடைபெற்ற ஆட்டத்தில் இறுதிவரை உச்சகட்ட பரபரப்பு நிலவியது. இப்போட்டியில் ஆப்கானிஸ்தான் அணி 8 ஓட்டங்களால் வெற்றிபெற்று அரையிறுதிக்குள் நுழைந்துள்ளது.
முதலில் பேட்டிங் செய்த ஆப்கானிஸ்தான் அணி 20 ஓவர்களில் 5 விக்கெட்டுகள் இழப்பிற்கு 115 ரன்கள் அடித்துள்ளது.
இதனால் பங்களாதேஷ் அணி வெற்றி பெற 116 ரன்கள் இலக்காக நிர்ணயிக்கப்பட்டுள்ளது.
இந்த இலக்கை 12.1 ஓவர்களில் எட்டினால் பங்களாதேஷ் அரையிறுதிக்கு தகுதி பெற முடியும் என்ற சூழலில் களமிறங்கியது. இருப்பினும் அந்த அணியால் குறிப்பிட்ட அந்த 12.1 ஓவர்களில் எட்ட முடியவில்லை. இதனால் அந்த அணி அரையிறுதி வாய்ப்பை இழந்து வெளியேறியுள்ளது.
இப்போட்டியில் கடைசிவரை பரபரப்பு நிலவியது. இரு தடவைகள் மழையும் குறுக்கிட்டது. இறுதியில் சகல விக்கெட்டுகளையும் இழந்து பங்களாதேஷ் அணி 105 ஓட்டங்களை பெற்றது. D/L முறைப்படி ஆப்கான் அணி 8 ஓட்டங்களால் வெற்றி பெற்று அரையிறுதிக்குள் நுழைந்துள்ளது.
