இறக்குவானை ஸ்ரீ முத்துமாரியம்மன் தேவஸ்தானத்தின் தலைமையில், விஷ்வ இந்து பரிஷத் அமைப்பின் ஒருங்கிணைப்பில் விநாயக சதுர்த்தி பெருவிழாவை முன்னிட்டு நேற்று ஞாயிற்றுக்கிழமை (20) பிரம்மாண்ட பக்தி ஊர்வலம் மிகச் சிறப்பாக நடைபெற்றது.
இந்நிகழ்வில் பெருந்தோட்டம் மற்றும் சமூக உட்கட்டமைப்பு அபிவிருத்தி பிரதி அமைச்சர் பிரதீப் சுந்தரலிங்கம் சிறப்பு விருந்தினராகக் கலந்துகொண்டு, விசேட பூஜைகளில் பங்கேற்று ஊர்வலத்தை ஆரம்பித்து வைத்தார்.
இறக்குவானை ஸ்ரீ முத்துமாரியம்மன் தேவஸ்தானத்தில் இடம்பெற்ற சிறப்பு பூஜைகளைத் தொடர்ந்து ஊர்வலம் ஆரம்பமானது.
தெனியாய வீதி வழியாக நகர்ந்து எலட்டன் ஸ்ரீ பிள்ளையார் ஆலயத்தை அடைந்து, எலட்டன் பிள்ளையார் ஆலயத்தில் விசேட பூஜைகள், ஆன்மீகச் சொற்பொழிவுகள் மற்றும் பஜனை நிகழ்வுகள் இடம்பெற்றதைத் தொடர்ந்து விநாயகர் சிலைகள் புனித ஆற்றில் விசர்ஜனம் செய்யப்பட்டன.
இந்நிகழ்வில் ஆன்மீக பெரியோர்கள், ஆலய நிர்வாக சபையினர், சமூக அமைப்புகளின் பிரதிநிதிகள், அறநெறிப் பாடசாலை மாணவர்கள் மற்றும் பொதுமக்கள் என பலர் கலந்துகொண்டனர்.
