யேறிய விவகாரத்தில், அந்த அணியின் நட்சத்திர வீரர் கிறிஸ்டியானோ ரொனால்டோவுக்கு 30 நாட்கள் தடை விதிக்கப்பட்டுள்ளது.
போர்ச்சுகல் கால்பந்துக் கூட்டமைப்பின் ஒழுங்கு நடவடிக்கைக் குழு திங்கட்கிழமை அன்று இந்தத் தடையை உறுதி செய்ததுடன், அவருக்கு 255 யூரோ அபராதமும் விதித்துள்ளது.
41 வயதான ரொனால்டோ, பயிற்சியாளர் ஜார்ஜ் ஜீசஸுடனான கருத்து வேறுபாடு காரணமாக இந்த நடவடிக்கைக்கு உள்ளாகியுள்ளார். நார்வே அணிக்கு எதிரான போட்டியில் தனக்கு ஆடும் வாய்ப்பு வழங்கப்படாததைத் தொடர்ந்து, அணியில் தனது பங்கு குறித்து, கோச் ஜீசஸ் அளித்ததாகக் கூறப்படும் இரு வாக்குறுதிகள் மீறப்பட்டதாக ரொனால்டோ அதிருப்தி தெரிவித்திருந்தார்.
இதையடுத்து, டென்மார்க்கில் நடைபெற்ற அடுத்த போட்டிக்கான போர்ச்சுகல் அணியின் முகாமிலிருந்து ரொனால்டோ வெளியேறினார். எனினும், ரொனால்டோவுடன் எந்தவிதமான உடன்பாடும் செய்யவில்லை என்று ஜார்ஜ் ஜீசஸ் மறுத்தார். அதே நேரத்தில், போர்ச்சுகல் 2-1 என்ற கோல் கணக்கில் வெற்றி பெற்ற பிறகு, ரொனால்டோ மீண்டும் அணிக்கு திரும்புவதற்கான வாய்ப்பு இருப்பதாகவும் அவர் தெரிவித்திருந்தார்.
இந்த விவகாரம் தொடர்பான ஒழுங்கு நடவடிக்கை அக்டோபர் 9-ம் தேதி தொடங்கப்பட்டது. போர்ச்சுகல் கால்பந்துக் கூட்டமைப்பின் விதிமுறைகளில் குறிப்பிடப்பட்டுள்ள 160(1)வது பிரிவின் கீழ் ரொனால்டோ வேண்டுமென்றே விதிமீறலில் ஈடுபட்டதாக ஒழுங்கு நடவடிக்கைக் குழு முடிவு செய்துள்ளது.
ஆனால், 30 நாள் தடை எந்தெந்த போட்டிகள் அல்லது அணியின் நடவடிக்கைகளுக்குப் பொருந்தும் என்பது குறித்து சம்மேளனம் தெளிவுபடுத்தவில்லை. ஏற்கனவே விதிக்கப்பட்டிருந்த தற்காலிகத் தடைக் காலம், இந்த 30 நாள் தடைக்கால கணக்கில் எடுத்துக்கொள்ளப்படுமா என்பதும் உடனடியாகத் தெரிவிக்கப்படவில்லை.
