” தமிழ் மொழியை தொடர்ச்சியாக புறக்கணித்து மொழி சட்டத்தைமீறும் சீனாவுக்கு எதிராக தெருப்போராட்டம் நடத்த வேண்டிய நிலை உருவாகும்.” – என்று தமிழ் முற்போக்கு கூட்டணியின் தலைவரும், கொழும்பு மாவட்ட எம்.பியுமான மனோ கணேசன் எச்சரித்துள்ளார்.
இது தொடர்பான அவரின் டுவிட்டர் பதிவு வருமாறு,
” தமிழை தவிர்த்து, சீனர் மொழி சட்டத்தை மீறுகிறார்கள். சிங்களம், தமிழ் இரு மொழிகளையும் தவிர்த்த சீன மொழி மட்டுமுள்ள பெயர் பலகைகளும் உள்ளன. நான் சீன தூதுவரை சந்தித்து இதுபற்றி விளக்கியுள்ளேன். எனினும் பயனில்லை. இந்நிலை தொடருமானால், நாம் #தெருப்போராட்டம் செய்ய வேண்டி வரும்.” – என்றுள்ளது.
