நாட்டில் நாளை முதல் அமுலுக்குவரும் வகையில் மின் கட்டணம் 22.5 சதவீதத்தால் குறைக்கப்பட்டுள்ளது. இதற்குரிய அனுமதியை இலங்கை பொதுப்பயன்பாட்டு ஆணைக்குழு வழங்கியுள்ளது.
இதற்கமைய 0 முதல் 30 வரையான மின் அலகு ஒன்றின் கட்டணம் 2 ரூபாவினால் குறைக்கப்பட்டுள்ளது. இதுவரை காலமும் 8 ரூபாவாக இருந்த கட்டணம் 6 ரூபாவாக்கப்பட்டுள்ளது.
31 முதல் 60 வரையான அலகு ஒன்றின் கட்டணம் 11 ரூபாவினால் குறைக்கப்பட்டுள்ளது. அதாவது 20 ரூபாவாக இருந்த கட்டணம் 9 ரூபாவாக நிர்ணயிக்கப்பட்டுள்ளது.
0 முதல் 60 வரையான மின் அலகு ஒன்றின் கட்டணம் 10 ரூபாவால் குறைக்கப்பட்டுள்ளது. அலகொன்றின் புதிய விலை ரூ. 15.
61 முதல் 90 வரையான அலகு ஒன்றின் கட்டணம் 12 ரூபாவால் குறைக்கப்பட்டுள்ளது. அலகொன்றின் புதிய விலை ரூ. 18.
91 முதல் 120 வரையிலான அலகு ஒன்றின் கட்டணம் 20 ரூபாவினால் குறைக்கப்பட்டுள்ளது. 50 ரூபாவாக இருந்த கட்டணம் இனி 30 ரூபா என்ற அடிப்படையிலேயே அறவிடப்படும்.
121 முதல் 180 வரையிலான அலகு ஒன்றின் கட்டணம் 8 ரூபாவினால் குறைக்கப்பட்டுள்ளது. 50 ரூபாவாக இருந்த கட்டணம் இனி 42 ரூபா என்ற அடிப்படையிலேயே அறவிடப்படும்.
வீட்டுப் பாவனை மின் கட்டணம் 27 சதவீதத்தினாலும், மத ஸ்தலங்களுக்கான மின் கட்டணம் 30 சதவீதத்தினாலும், விருந்தகங்கள் மற்றும் கைத்தொழிற்துறைக்கான கட்டணம் 25 சதவீதத்தினாலும் குறைவடைகின்றது.
