தான் வாக்களிப்பதை தொலைபேசிமூலம் படமெடுத்த இளைஞரொருவர் கைது செய்யப்பட்டுள்ளார்.
நாவலப்பிட்டிய மத்திய மகாவித்தியாலயத்திற்கு வாக்களிக்க சென்ற நபரொருவரே இன்று முற்பகல் நாவலப்பிட்டிய பொலிஸாரால் கைது செய்யப்பட்டுள்ளார்.
வாக்களிப்பு பகுதிக்குசென்றதும் குறித்த நபர் தொலைபேசிமூலம் படமெடுப்பதைகண்ட தேர்தல் கடமை அதிகாரி, அது தொடர்பில் பொலிஸாருக்கு அறிவித்துள்ளார். இதனையடுத்தே கைது செய்யப்பட்டுள்ளார்.
கைதானவரை நாவலபிட்டி நீதவான் நீதிமன்றில் முன்னிலைபடுத்துவதற்கான நடவடிக்கையை பொலிஸார் மேற்கொண்டுவருகின்றனர்.
பொகவந்தலாவ நிருபர் – சதீஸ்
