20 ஓவர் சர்வதேச போட்டியின் அடிப்படையில் வீரர்களின் தரவரிசை பட்டியலை சர்வதேச கிரிக்கெட் சபை (ஐ.சி.சி.) வெளியிட்டுள்ளது.
இதன்படி துடுப்பாட்ட வீரர்களுக்கான தரவரிசையில் இங்கிலாந்து வீரர் டேவிட் மலான் முதலிடத்தில் தொடருகிறார். இந்திய வீரர் லோகேஷ் ராகுல் ஒரு இடம் முன்னேறி 2-வது இடத்தை பிடித்துள்ளார்.
ஆஸ்திரேலிய வீரர் ஆரோன் பிஞ்ச் 3-வது இடத்திலும், இந்திய அணியின் தலைவர் விராட் கோஹ்லி 7-வது இடத்திலும் நீடிக்கின்றனர்.
முதல் 10 இடங்களுக்குள் இலங்கை அணி வீரர்கள் எவரும் இல்லை. குசல் பெரேரா 28 ஆவது இடத்தில் இருக்கின்றார்.
அதேவேளை, sபந்து வீச்சாளர்கள் தரவரிசையில் ஆப்கானிஸ்தான் வீரர் ரஷித்கான் முதலிடத்தில் தொடருகிறார். பாகிஸ்தானுக்கு எதிரான தொடரில் 6 விக்கெட்டுகள் கைப்பற்றிய தென்ஆப்பிரிக்க வீரர் தப்ரைஸ் ஷம்சி 3 இடங்கள் ஏற்றம் கண்டு 2-வது இடத்தை பெற்றுள்ளார். ஆல்-ரவுண்டர்கள் தரவரிசையில் ஆப்கானிஸ்தான் வீரர் முகமது நபி முதலிடத்தை தக்கவைத்துள்ளார்.
