ஐக்கிய மக்கள் சக்தி மறுசீரமைப்பு நடவடிக்கை ஜனவரி முதல் வாரத்தில் ஆரம்பமாகும் எனவும், கட்சித் தலைமைப்பதவியில் மாற்றம் வராது எனவும் நாடாளுமன்ற உறுப்பினர் நளின் பண்டார தெரிவித்துள்ளார்.
இது தொடர்பில் மேலும் கூறியவை வருமாறு,
“ ஐக்கிய மக்கள் சக்தியின் புதிய அரசியல் வேலைத்திட்டம் ஜனவரி முதல் வாரத்தில் இருந்து முன்னெடுக்கப்படும். கட்சியின் விசேட கூட்டமும் நடத்தப்படும். கட்சி மறுசீரமைப்பு பணியும் ஆரம்பமாகும். சில பதவிகளில் மாற்றம் வரும். அது மக்கள் எதிர்பார்க்கும் மாற்றமாக இருக்கும்.
கட்சித் தலைமைப்பதவியில் மாற்றம் வராது. ஆனால் தனக்குள்ள பலவீனங்களை இனங்கண்டு அவற்றை சரிசெய்வதற்குரிய நடவடிக்கையில் கட்சி தலைவர் ஈடுபட வேண்டும். மக்கள் அதனையே எதிர்பார்க்கின்றனர்.
அதேபோல ஐக்கிய மக்கள் சக்தி மற்றும் ஐக்கிய தேசியக் கட்சி இணைப்பு தொடர்பிலும் அதானம் செலுத்தப்பட்டுள்ளது.”- என்றார்.
