பதுளை, நமுனுகுல பிங்கராவ தோட்ட தொழிற்சாலை பிரிவில் தேயிலை கொழுந்து பறித்துகொண்டிருந்த தொழிலாளர்கள் 14 பேர் குளவி கொட்டுக்கு இலக்காகி பள்ளகெட்டுவ வைத்தியசாலையில் அனுமதிக்கப்பட்டுள்ளனர்.
இவர்களில் இருவர் மேலதிக சிகிச்சைக்காக பசறை பொது வைத்தியசாலையில் அனுமதிக்கப்பட்டுள்ளனர்.
இன்று காலை (13/07) முற்பகல் 10.30 மணியளவில் குளவி கூடொன்று கலைந்து சராமரியாக தொழிலாளர்களை தாக்கியுள்ளது. அண்மை காலமாக தேயிலை தோட்ட தொழிலாளர்கள் குளவிகளின் தாக்கத்திற்குள்ளாவதுடன் மலைகளில் மிகுந்த அச்சத்துடன் பணிபுரிந்து வருகின்றமை குறிப்பிடத்தக்கது.
நடராஜா மலர்வேந்தன்
