புரெவி புயலினால் வடக்கு மாகாணத்தில் 12 ஆயிரத்துக்கும் மேற்பட்டோர் பாதிக்கப்பட்டுள்ளனர் என்று அனர்த்த முகாமைத்துவ மத்திய நிலையம் இன்று மதியம் 12 மணிக்கு வெளியிட்டுள்ள நாளாந்த நிலைவர அறிக்கையில் தெரிவிக்கப்பட்டுள்ளது.
இதன்படி மன்னார் மாவட்டத்தில் 2 ஆயிரத்து 236 குடும்பங்களைச் சேர்ந்த7 ஆயிரத்து 749 பேரும், யாழ்ப்பாணம் மாவட்டத்தில் 829 குடும்பங்களைச் சேர்ந்த 2 ஆயிரத்து 986 பேரும் பாதிக்கப்பட்டுள்ளனர்.
கிளிநொச்சியில் 41 பேரும், முல்லைத்தீவில் 405 பேரும், வவுனியாவில் 236 பேரும் பாதிக்கப்பட்டுள்ளனர்.
அதேவெளை, புரெவி புயலால் 15 வீடுகள் முழுமையாகவும், 173 வீடுகள் பகுதியளவும் சேதமடைந்துள்ளன. 7 ஆயிரத்து 778 பேர் 27 பாதுகாப்பு நிலையங்களில் தங்கவைக்கப்பட்டுள்ளனர்.
