போலி இரத்தினக்கற்கள் சந்தைக்கு வந்துள்ளமையால் இரத்தினக்க ல் தொழிற்துறை சார்ந்தோர் இக்கட்டான நிலைமைக்கு தள்ளப்பட்டுள்ளதாக இரத்தினக்கல் வர்த்தகர்கள் தெரிவிக்கின்றனர்.
உலகப்பிரசித்தி பெற்ற இயற்கையான இரத்தினக்கற்களுக்கு இரத்தினபுரி பிரதேசம் புகழ் பெற்று விளங்குகிறது.
இப்பிரதேசத்தில் கிடைக்கும் நீலம், சிவப்பு, ஆர்நூல், புஷ்பராகம் மரகதம் , வைடூரியம், கெவுடா பசுங்கல் போன்ற இரத்தினக்கற்களை போல இந்த போலி இரத்தினக்கற்களும் தயாரிக்கப்பட்டு சந்தைக்கு விடப்பட்டுள்ளதாக தெரிய வந்துள்ளது.
இவ்விடயமாக இப்பகுதிகளிலுள்ள பல பொலிஸ் நிலையங்கள் மற்றும் இரத்தினக்கல் அதிகார சபையிலும் முறைப்பாடுகள் செய்யப்பட்டுள்ளதையடுத்து விசாரணைகள் முன்னெடுக்கப்பட்டு வருகின்றன.
போலி இரத்தினக்கற்களால் ஏமாற்றப்பட்டவர்கள் உரிய தகவல்களுடன் முறைப்பாடுகளை செய்யுமாறு இரத்தினக்கல் வர்த்தகர்கள் அறிவுறுத்தப்பட்டுள்ளனர்.
