டெஸ்கட் கிரிக்கெட் போட்டிகளில் அதிக முறை 5 விக்கெட்டுகளை வீழ்த்திய 2ஆவது வேகப்பந்து வீச்சாளர் என்ற சாதனையை ஆண்டர்சன் படைத்தார்.
இலங்கை-இங்கிலாந்து அணிகள் மோதும் 2-வது மற்றும் கடைசி கிரிக்கெட் டெஸ்ட் போட்டி காலி மைதானத்தில் நடைபெற்று வருகிறது. முதல் இன்னிங்ஸில் இங்கிலாந்து வேகப்பந்து வீச்சாளர் ஆண்டர்சன் 40 ஓட்டங்களுக்கு 6 விக்கெட்டு களைக் கைப்பற்றினார்.
157-வது டெஸ்ட் போட்டியில் விளையாடும் ஆண்டர்சன் 30ஆவது முறையாக 5 விக்கெட்டுக்கு மேல் எடுத்துள்ளார். இதன் மூலம் டெஸ்டில் அதிக முறை 5 விக்கெட் எடுத்த 2-வது வேகப்பந்து வீச்சாளர் என்ற சாதனையை ஆண்டர்சன் படைத்தார்.
அவர் ஆஸ்திரேலியாவை சேர்ந்த மெக்ராத்தை முந்தினார். மெக்ராத் 29 முறை 5 விக்கெட்டுக்கு மேல் கைப்பற்றி உள்ளார். நியூசிலாந்து வேகப்பந்து வீரர் ரிச்சர்டு ஹேட்லி 36 முறை 5 விக்கெட்டுக்கு மேல் எடுத்து முதல் இடத்தில் உள்ளார்.
ஒட்டுமொத்தத்தில் டெஸ்டில் அதிக முறை 5 விக்கெட்டுக்கு மேல் எடுத்த 6-வது வீரர் ஆண்டர்சன் ஆவார். ஒரு இன்னிங்சில் 5 விக்கெட்டுக்கு மேல் எடுத்த 6 வீரர்கள் வருமாறு:-
1.முரளிதரன் (இலங்கை) -67 முறை (132 டெஸ்ட்).
2.வார்னே (ஆஸ்தி ரேலியா)- 37 (145).
3.ரிச்சர்டு ஹேட்லி (நியூசிலாந்து)- 36 (86).
4. கும்ப்ளே (இந்தியா) 35- (132).
5. ரங்கன ஹேரத் (இலங்கை)-34 (93).
6. ஆண்டர்சன் (இங்கிலாந்து)- 30 (157).
