ராஜஸ்தான் அணியை வீழ்த்துமா டெல்லி?

ஐபிஎல் தொடரில் இன்று நடைபெறும் 43 ஆவது லீக் ஆட்டத்தில் ராஜஸ்தான் ராயல்ஸ் அணியை, டெல்லி கேப்பிடல்ஸ் அணி எதிர்த்து விளையாடவுள்ளது.

இப்போட்டி ஜெய்ப்பூர் சவாய்மான்சிங் மைதானத்தில் இன்று இரவு 7.30 மணிக்கு நடைபெறவுள்ளது.

ராஜஸ்தான் அணி இதுவரை 9 போட்டிகளில் விளையாடி 6 வெற்றி, 3 தோல்விகளுடன் 12 புள்ளிகளைப் பெற்று பட்டியலில் 4-வது இடத்தில் உள்ளது.

கடைசியாக நடைபெற்ற பஞ்சாப் கிங்ஸ் அணிக்கெதிரான ஆட்டத்தில் பலம்வாய்ந்த அந்த அணியை வீழ்த்திய உற்சாகத்தில் ராஜஸ்தான் களமிறங்குகிறது.

டெல்லி கேப்பிடல்ஸ் அணி, இதுவரை 8 போட்டிகளில் விளையாடி 3 வெற்றி, 5 தோல்விகளுடன் 6 புள்ளிகளை மட்டுமே பெற்றுள்ளது.

கடைசியாக நடைபெற்ற ஹைதராபாத், பஞ்சாப், பெங்களூரு அணிக்கெதிரான போட்டிகளில் அந்த அணி வரிசையாக தோல்வி கண்டுள்ளது.

எனவே, இன்றைய ஆட்டத்தில் சிறப்பாக விளையாடி வெற்றிப் பாதைக்கு திரும்ப டெல்லி வீரர்கள் தங்களது உயர்மட்ட திறனை வெளிப்படுத்த வேண்டும் என ரசிகர்கள் எதிர்பார்க்கின்றனர்.