ஹட்டன் கல்வி வலயத்தின் ஆசிரியர் ஆலோசகராகப் பணியாற்றி வந்த மைக்கல் செபஸ்டியன் அவர்கள், 2026 ஆம் ஆண்டு ஜூலை மாதம் 3 ஆம் திகதி வெள்ளிக்கிழமையுடன் தனது நீண்டகால அரசுப் பணியிலிருந்து ஓய்வு பெற்றார்.
இதனை முன்னிட்டு, அவரது கல்விச் சேவையைப் பாராட்டி ஹட்டன் ஆசிரியர் வாண்மை விருத்தி நிலையத்தின் ஏற்பாட்டில் பிரியாவிடை நிகழ்வு ஒன்று சிறப்பாக நடைபெற்றது.
இந்த நிகழ்வில் ஹட்டன் கல்வி வலயத்தின் கல்வி அதிகாரிகள், ஆசிரியர் ஆலோசகர்கள், அதிபர்கள், ஆசிரியர்கள் உள்ளிட்ட பலர் கலந்து கொண்டு மைக்கல் செபஸ்டியன் அவர்கள் கல்வித்துறைக்காக ஆற்றிய அர்ப்பணிப்புமிக்க சேவையைப் பாராட்டினர்.
பல ஆண்டுகளாக ஆசிரியர் வழிகாட்டல், கற்பித்தல் தர மேம்பாடு மற்றும் கல்வி அபிவிருத்தி நடவடிக்கைகளில் அவர் ஆற்றிய பங்களிப்பு கல்விச் சமூகத்தினரால் நன்றியுடன் நினைவுகூரப்பட்டது.
நிகழ்வின் போது நினைவுப் பரிசுகள் வழங்கப்பட்டதுடன், ஓய்வுபெறும் திரு. மைக்கல் செபஸ்டியன் அவர்களுக்கு அனைவரும் தங்களது வாழ்த்துகளையும் நன்றிகளையும் தெரிவித்தனர்.
நீண்டகால அரசுப் பணியை நிறைவு செய்து ஓய்வுபெறும் திரு. மைக்கல் செபஸ்டியன் அவர்களுக்கு எதிர்கால வாழ்க்கை ஆரோக்கியம், மகிழ்ச்சி மற்றும் நலன்களால் நிரம்பியதாக அமைய வேண்டும் என கலந்து கொண்டோர் வாழ்த்துத் தெரிவித்தனர்.
