2026 ஆம் ஆண்டிற்கான அமைதிக்கான நோபல் பரிசு நாளை ( 09) அறிவிக்கப்படவுள்ள நிலையில், உலகளவில் எட்டு போர்களை முடிவுக்குக் கொண்டுவந்த தன்னை விட அதற்குத் தகுதியானவர் எவரும் இல்லை என அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.
கடந்த ஆண்டு அமெரிக்க ஜனாதிபதிகப் பொறுப்பேற்றது முதல், “பல போர்களை நான் தடுத்து நிறுத்தியுள்ளேன்; எனவே அமைதிக்கான நோபல் பரிசு எனக்கே வழங்கப்பட வேண்டும்” என ட்ரம்ப் தொடர்ச்சியாக வலியுறுத்தி வந்தார்.
இருப்பினும், 2025 ஆம் ஆண்டிற்கான அமைதிக்கான நோபல் பரிசு வெனிசுலாவின் எதிர்க்கட்சித் தலைவரான மரியா கொரினா மச்சாடோவுக்கு (María Corina Machado) வழங்கப்பட்டது. இதில் ட்ரம்பிற்குப் பெருத்த அதிருப்தி நிலவிய போதிலும், அமைதிக்கான அவரது முயற்சிகளைப் பாராட்டி மரியா தனது நோபல் பரிசை ட்ரம்பிற்கே சமர்ப்பித்திருந்தார்.
இந்நிலையில், 2026 ஆம் ஆண்டிற்கான அமைதிக்கான நோபல் பரிசு அறிவிக்கப்படுவதற்குச் சில தினங்களுக்கு முன்னர், வெள்ளை மாளிகையின் ‘ஓவல்’ (Oval Office) அலுவலகத்தில் செய்தியாளர்களிடம் பேசிய ட்ரம்ப் பின்வருமாறு குறிப்பிட்டார்:
“நோபல் பரிசு வரலாற்றிலேயே என்னை விட அதற்குத் தகுதியான நபர் வேறு எவரும் இருந்ததில்லை. நான் எட்டு போர்களை முடிவுக்குக் கொண்டுவந்துள்ளேன். இந்த உலகமே ஒட்டுமொத்தமாக அழிந்துபோவதிலிருந்து தடுத்து நிறுத்தியுள்ளேன். அமைதிக்கான நோபல் பரிசு வரலாற்றிலேயே என்னை விட அதற்குத் தகுதியான நபர் வேறு எவருமில்லை என்று மரியா கொரினா மச்சாடோவே என்னிடம் நேரில் கூறியுள்ளார்” எனத் தெரிவித்துள்ளார்.
