ஐசிசி வெளியிட்ட டெஸ்ட் தரவரிசையில் நியூசிலாந்து அணி முதலிடத்தில் நீடிக்கிறது.
இங்கிலாந்துக்கு எதிரான முதலாவது டெஸ்டில் டிரா செய்த நியூசிலாந்து அணி, பர்மிங்காமில் நடந்த 2-வது மற்றும் கடைசி டெஸ்ட் போட்டியில் 8 விக்கெட் வித்தியாசத்தில் வெற்றி பெற்று 1-0 என்ற கணக்கில் தொடரை கைப்பற்றியது.
இதன்மூலம் நியூசிலாந்து அணி (123 புள்ளி) சர்வதேச கிரிக்கெட் கவுன்சிலின் (ஐ.சி.சி.) டெஸ்ட் தரவரிசையில் இந்தியாவை பின்னுக்குத் தள்ளி நம்பர் ஒன் இடத்தைப் பிடித்தது.
இந்திய அணி (121 புள்ளி) முதலிடத்தில் இருந்து 2-வது இடத்துக்கு இறங்கி இருக்கிறது. ஆஸ்திரேலியா 108 புள்ளிகளுடன் 3-வது இடத்திலும், இங்கிலாந்து 107 புள்ளிகளுடன் 4-வது இடத்திலும், பாகிஸ்தான் அணி 94 புள்ளிகளுடன் 5-வது இடத்திலும் உள்ளன.
வெஸ்ட் இண்டீஸ் (84 புள்ளி), தென் ஆப்பிரிக்கா (80 புள்ளி), இலங்கை (78 புள்ளி), வங்காளதேசம் (46 புள்ளி), ஜிம்பாப்வே (35 புள்ளி) முறையே 6 முதல் 10 இடங்களை வகிக்கின்றன.
