மஹிந்த ராஜபக்சவை மீண்டும் பிரதமராக்குவது தொடர்பில் ஆளுங்கட்சிக்குள் இருவேறு கருத்துகள் நிலவிவருவதாக அரசியல் வட்டாரங்களில் இருந்து அறியமுடிகின்றது.
பிரதமர் பதவியில் இருந்து விலகுவதற்கு தினேஷ் குணவர்தன தயார் நிலையில் இருப்பதாகவும், எனவே, மஹிந்தவை மீண்டும் பிரதமராக்க வேண்டும் எனவும் மொட்டு கட்சி எம்.பிக்கள் சிலர் வலியுறுத்தியுள்ளனர்.
எனினும், அரசுக்கு ஆதரவு வழங்கும் பங்காளிக்கட்சிகள் உட்பட மேலும் சில தரப்புகள் இதற்கு எதிர்ப்பு தெரிவித்துள்ளன.
தினேஷ் குணவர்தனை நீக்கிவிட்டு, மஹிந்தவை கொண்டுவந்தால் தேவையற்ற அரசியல் குழப்பம் உருவாகக்கூடும் எனவும் சுட்டிக்காட்டியுள்ளனர்.
இதனால் பிரதமர் விவகாரம் தொடர்பில் ஆளுங்கட்சிக்குள் குழப்ப நிலை உருவாகியுள்ளது.
