” நாட்டுக்கு தேவையான புதிய அரசியல் பயணத்தை முன்னெடுப்போம். அனைத்து இன மக்களும் இந்த பயணத்தில் இணைய வேண்டும்.” – என்று அழைப்பு விடுத்துள்ளார் ஶ்ரீலங்கா பொதுஜன பெரமுன கட்சியின் தலைவரான மஹிந்த ராஜபக்ச.
மொட்டு கட்சியின் சம்மேளனக் கூட்டத்தில் கலந்துகொண்டு உரையாற்றுகையிலேயே அவர் இவ்வாறு கூறினார்.
” போர் காலத்திலும் நாம் பொருளாதார வளர்ச்சியை ஏற்படுத்தினோம். ஆனால் பொருளாதார வீழ்ச்சியை ஏற்படுத்தியவர்களே இன்று எமக்கு எதிராக போலிக் குற்றச்சாட்டுகளை முன்வைக்கின்றனர்.” – எனவும் மஹிந்த ராஜபக்ச குறிப்பிட்டார்.
அடுத்த தேர்தலிலும் மொட்டு கட்சியே பலமான சக்தியாக திகழும் எனவும் மஹிந்த ராஜபக்ச குறிப்பிட்டார்.
