துடுப்பாட்டத்தில் சொதப்பிய பங்களாதேஷ் பந்துவீச்சில் அசத்தல்: தடுமாறும் ஆஸ்திரேலியா

ஆஸ்திரேலியா மேக்கே நகரில் நடைபெற்று வரும் மேக்கே நகரில் நடைபெற்று வரும் இரண்டாவது டெஸ்ட் போட்டியின் பரபரப்பான முதல் நாளில், மிட்செல் ஸ்டார்க்கின் 6 விக்கெட் வேட்டைக்கு பதிலடி கொடுக்கும் வகையில் பங்களாதேஷ் அணியும் வலுவான போராட்டத்தை வெளிப்படுத்தியது.

முதல் டெஸ்டில் காயத்தால் ஆடாத பங்களாதேஷின் இடதுகால் வேகப்பந்து வீச்சாளர் Shoriful Islam, ஆஸ்திரேலிய பேட்டிங் வரிசையைச் சிதைத்தார். அவர் 11 ஓவர்களில் 35 ரன்கள் மட்டுமே விட்டுக்கொடுத்து 6 விக்கெட்டுகளைக் கைப்பற்றி, தனது வாழ்நாளின் சிறந்த பந்துவீச்சைப்பதிவு செய்தார்.

வேகப்பந்து வீச்சிற்கு சாதகமாக இருந்த ஆடுகளத்தில் முதல் நாளிலேயே 18 விக்கெட்டுகள் சாய்ந்த நிலையில், ஆஸ்திரேலியா தனது முதல் இன்னிங்ஸில் 8 விக்கெட் இழப்பிற்கு 165 ரன்கள் எடுத்துள்ளது.

டார்வின் டெஸ்டில் சதம் அடித்த கேமரூன் கிரீன் (51*) இங்கும் பொறுப்புடன் ஆடி அணியைத் தாங்கிப்பிடித்தார்.

முன்னதாக, ஸ்டார்க்கின் (6/12) புயல் வேகப்பந்துவீச்சில் 22 பந்துகளில் 5 விக்கெட்டுகள் நகர, பங்களாதேஷ் அணி வெறும் 64 ரன்களுக்குச் சுருண்டது.

ஆஸ்திரேலியாவில் முதன்முதலில் பேட்டிங் செய்து ஒரு அணி எடுத்த மிகக் குறைந்த ரன் எண்ணிக்கை இதுவாகும் (1932-ல் தென்னாப்பிரிக்கா 36 ரன்களுக்கு ஆல்-அவுட் ஆனதற்குப் பிறகு).

தடுமாறிய ஆஸ்திரேலியா

2023-க்குப் பின் மீண்டும் வாய்ப்பு பெற்ற ஆஸ்திரேலிய தொடக்க ஆட்டக்காரர் மேட் ரென்ஷா (8), மார்னஸ் லபுஷேன் (4) ஆகியோர் மீண்டும் சொற்ப ரன்களில் வெளியேறினர்.

டிராவிஸ் ஹெட் (22) தொடர்ச்சியாக மூன்றாவது முறையாக ‘ போல்ட்’ ஆனார். ஸ்டீவ் ஸ்மித் (42) ஷோரிஃபுல் பந்தில் எல்.பி.டபிள்யூ முறையில் ஆட்டமிழந்தார்.

அதைத் தொடர்ந்து வெப்ஸ்டர், கம்மின்ஸ் ஆகிய இருவரையும் பூஜ்ஜியத்திலும், ஸ்டார்க்கை 1 ரன்னிலும் வெளியேற்றி Shoriful Islam மிரட்டினார்.

வரலாறு படைத்த ஸ்டார்க்

டெஸ்ட் வரலாற்றில் போட்டியின் முதல் பந்திலேயே விக்கெட் வீழ்த்துவது ஸ்டார்க்கிற்கு இது 4வது முறையாகும். இதன் மூலம் அவர் புதிய சாதனை படைத்துள்ளார்.

மேலும், சர்வதேச டெஸ்ட் போட்டிகளில் 441 விக்கெட்டுகளைக் கடந்து, டால் ஸ்டெய்னைப் பின்னுக்குத் தள்ளி அதிக விக்கெட்டுகள் வீழ்த்தியவர்கள் பட்டியலில் 10வது இடத்தைப் பிடித்தார். ஆஸ்திரேலிய கேப்டன் கம்மின்ஸ் 25 ரன்களுக்கு 3 விக்கெட்டுகளைச் சாய்த்தார்.

டார்வின் டெஸ்டில் அடைந்த தோல்விக்கு ஆஸ்திரேலியா பந்துவீச்சில் பதிலடி கொடுத்தாலும், பேட்டிங்கில் மீண்டும் தடுமாற்றத்தைச் சந்தித்துள்ளது.