CameraLK நிறுவனத்தினால் மூன்றாவது முறையாக ஏற்பாடு செய்யப்பட்டிருந்த “image expo 2023” கண்காட்சியை ஜனாதிபதி ரணில் விக்ரமசிங்க இன்று (14) பார்வையிட்டார். 
“image expo 2023” வின் ஊடாக உலகின் முன்னணி வர்த்தக நாமங்கள் மற்றும் நிறுவனங்களின் புதிய தொழில்நுட்பங்கள் தொடர்பான அனுபவங்களை ஒரே கூரையின் கீழ் பெற்றுக்கொள்ளவும், தொழில் மற்றும் வினோத அம்சங்கள் சார்ந்த புகைப்படம் மற்றும் காணொலியாக்க வாய்ப்புக்களும் கிடைக்கும்.
இதன்போது சோனி நிறுவனத்தின் முகவர்களான புகைப்பட கலைஞர் திமிதி குரூஸ் மற்றும், திலின கழுதொட்டகே ஆகியோருக்கு ஜனாதிபதியால் விருதுகள் வழங்கி வைக்கப்பட்டன. 
அதனையடுத்து விருதுபெற்ற வனத்துறைசார் புகைப்பட கலைஞரான லக்ஷித கருணாரத்னவால் துறைசார் புகைப்பட தொகுப்பொன்று ஜனாதிபதி ரணில் விக்ரமசிங்விற்கு வழங்கி வைக்கப்பட்டது.
பின்னர் CameraLK நிறுவனம் ஜனாதிபதி ஊடகப் பிரிவிற்கு புதிய தொழில்நுட்பத்துடன் கூடிய ட்ரோன் கெமரா ஒன்றை அன்பளிப்புச் செய்தது.
“image expo 2023” கண்காட்சி நேற்றைய தினம் ஆரம்பமாகியிருந்த நிலையில் நாளை (15) நிறைவடைய உள்ளது.
CameraLK நிறுவனத்தின் நிறைவேற்றுப் பணிப்பாளர் அனுஷ்க குணசிங்க, சோனி நிறுவனத்தின் பிராந்திய அபிவிருத்தி மத்தியஸ்தானித்தின் விற்பனைப் பிரதானி ஸ்டெனில் டேன் (Stanliy Tan), வர்த்தக பிரதானி யெப் யெங் (Yap yung), DJ I சிரேஷ்ட விற்பனை முகாமையாளர் (Fly Chang), அதன் பிரதிநிதி பீத் சிங், உலகின் முன்னணி வர்த்தக நாமங்கள் மற்றும் நிறுவனங்களின் முக்கியஸ்தர்களும் கலந்துகொண்டிருந்தனர்.
