கேரளா மாநிலத்​தின் பெயரை ‘கேரளம்’ என்று மாற்​று​வதற்​கு, பிரதமர் மோடி தலை​மையி​லான மத்​திய அமைச்​சரவை ஒப்​புதல் வழங்கி உள்​ளது.

கேரளா மாநிலத்​தில் சட்​டப்​பேர​வைத் தேர்​தல் நடை​பெற உள்​ளது.

முன்​ன​தாக கேரளா என்ற மாநிலத்​தின் பெயரை, ‘கேரளம்’ என்று மாற்​றப்​படும் என்று மாநில அரசு தீர்​மானம் நிறைவேற்​றியது.

அந்​தத் தீர்​மானத்​தில், அரசி​யலமைப்​புச் சட்​டப் பிரிவு 3-ன்​படி மாநிலத்​தின் பெயரை கேரளம் என்று மாற்​று​வதற்கு அனு​ம​திக்க வேண்​டும் என்று கோரி​யிருந்​தது.

இந்​நிலை​யில், பிரதமர் மோடி தலை​மை​யில் மத்திய அமைச்​சர​வைக் கூட்​டம் டெல்​லி​யில் நேற்று முன்தினம் நடை​பெற்​றது.

இந்​தக் கூட்​டத்​தில் கேரளா மாநில பெயரை கேரளம் என்று மாற்​று​வதற்கு ஒப்​புதல் வழங்​கப்​பட்​டது. இதையடுத்​து, கேரள சட்டமூலம் 2026-ஐ மாநில சட்​டப்​பேர​வைக்​குக் குடியரசுத் தலை​வர் பரிந்​துரைப்​பார்.

கேரளா மாநில சட்​டப்​பேர​வை​யின் கருத்​துகளைப் பெற்ற பிறகு மத்​திய அரசு அடுத்​தக்​கட்ட நடவடிக்கை எடுக்​கும்.

பெயர் மாற்​றம் தொடர்​பான மசோ​தாவுக்கு குடியரசுத் தலை​வரின் ஒப்​புதல் பெற்று நாடாளு​மன்​றத்​தில் மத்​திய அரசு தாக்​கல் செய்து நிறைவேற்​றும்.

இந்த நடை​முறை​கள் முழுமை பெற்​றவுடன், கேரளம் என்ற பெயர் அதி​காரப்​பூர்​வ​மாக அறிவிக்​கப்​படும்.

அரச புலனாய்வுப் பிரிவின் முன்னாள் பணிப்பாளர் சுரேஷ் சலே கைது செய்யப்பட்டுள்ளமை கத்தோலிக்கத் திருச்சபை வரவேற்றுள்ளது.

உயிர்த்த ஞாயிறு குண்டுத் தாக்குதல் சம்பவம் தொடர்பில் முன்னெடுக்கப்பட்டுவரும் விசாரணை அடிப்படையிலேயே சுரேஷ் சலே நேற்று கைது செய்யப்பட்டார்.

பயங்கரவாத தடைச்சட்டத்தின்கீழ் கைது செய்யப்பட்ட அவர் தடுப்பு காவலில் வைக்கப்பட்டு விசாரிக்கப்பட்டுவருகின்றது.

இந்நிலையிலேயே உயிர்த்த ஞாயிறு தாக்குதல் சம்பவம் குறித்து பொறுப்புக்கூறலை வலியுறுத்தி வரும் கத்தோலிக்கத் திருச்சபை , கைது நடவடிக்கையை வரவேற்றுள்ளது.

கத்தோலிக்க திருச்சபையின் ஊடகப் பேச்சாளர் அருட்தந்தை சிறில் காமினி பெர்னான்டோ Fernando வெளிநாட்டு ஊடகமொன்றுக்கு வழங்கிய நேர்காணலில் இவ்விடயத்தைக் குறிப்பிட்டுள்ளார்.

“ விசாரணைகள் தொடர்கின்றன என்பதற்கான அறிகுறியாக இந்த கைது நடவடிக்கை அமைந்துள்ளது.
எங்களுக்குத் தேவையானது ஈஸ்டர் தாக்குதல்களுக்குப் பின்னால் உள்ள உண்மை.

பாதிக்கப்பட்ட அனைவருக்கும் நீதி கிடைக்க வேண்டும் என்று நாங்கள் விரும்புகிறோம்.” எனவும் அருட்தந்தை குறிப்பிட்டார்.

வெளிவிவகார அமைச்சர் விஜித ஹேரத் இன்று ஜெர்மனி மற்றும் ருமேனியாவிற்கான பயணத்தை மேற்கொள்கிறார்.

இன்று முதல் பெப்ரவரி 28 ஆம் திகதிவரை ஜெர்மனிக்கும், மார்ச் 1 ஆம் திகதி முதல் ருமேனியாவிற்கும் அவர் பயணம் மேற்கொள்வார் என அறிவிக்கப்பட்டுள்ளது.

ஜெர்மன்-ஆசிய பசுபிக் வணிக சங்கத்தின் பிரெமன் பிரிவினால் வழங்கப்பட்ட அழைப்பின் பேரில், வர்த்தகம் மற்றும் வெளிநாட்டு வேலைவாய்ப்பு தொடர்பான தொடர் கூட்டங்களில் வெளிவிவகார அமைச்சர் பங்கேற்பார்.

இந்தப் பயணத்தின் போது ஜெர்மனியின் வெளியுறவு அமைச்சர் ஜோஹன் வடேபுல்லுடன், அமைச்சர் விஜித ஹேரத் பேச்சுக்களை நடத்தவுள்ளார்.

இதையடுத்து, மார்ச் 1 ஆம் திகதி முதல் 3 ஆம்திகதி வரை வெளிவிவகார அமைச்சர், ருமேனியாவுக்கு பயணம் மேற்கொள்வார்.

அவர் ருமேனியாவின் வெளியுறவு, தொழிலாளர், குடும்பம், இளைஞர் மற்றும் சமூக ஒற்றுமை மற்றும் பொருளாதாரம், டிஜிட்டல் மயமாக்கல், தொழில்முனைவோர் மற்றும் சுற்றுலா அமைச்சர்களுடன் உயர் மட்ட கலந்துரையாடல்களை நடத்துவார்.

தொழிலாளர் துறையில் ஒத்துழைப்பு குறித்த இருதரப்பு புரிந்துணர்வு உடன்பாடு ஒன்றும் இதன் போது கையெழுத்திடப்படவுள்ளது.

“உயிர்த்த ஞாயிறு தாக்குதல் சம்பவம் தொடர்பில் ஆளுங்கட்சி கூறிய பிரதான சூத்திரதாரி கைது செய்யப்பட வேண்டும். மாறாக அப்பாவியை பலிகடாவாக்கி பிரதான சூத்திரதாரியாக காண்பிப்பதற்கு அரசாங்கம் முற்பட்டால் அதற்கு எதிராக நடவடிக்கை எடுக்கப்படும்.”

இவ்வாறு முன்னாள் அமைச்சர் உதய கம்மன்பில தெரிவித்தார்.

“புலிகளை தோற்கடிப்பதற்கு தீர்க்கமான பங்களிப்பை வழங்கிய படைவீரர்தான் சுரேஷ் சலே.

எனவே, அவரை பழிவாங்க வேண்டும் என்ற தேவைப்பாடு பிரிவினைவாத சக்திகளுக்கு இருந்தது. சனல் 04 ஊடகத்தை பயன்படுத்தி அவருக்கு எதிராக பிரச்சாரம் முன்னெடுக்கப்பட்டது.

பிள்ளையான் மற்றும் சுரேஷ் சலே ஆகியோரை நாடாளுமன்ற தேர்தலுக்கு முன்னதாகவே அரசாங்கம் கைது செய்ய இருந்தது.

எனினும், ரணில் விக்கிரமசிங்க நியமித்த இமாம் குழுவின் அறிக்கையை என்.பி.பி. ஆட்சிகாலத்தில் நான் வெளியிட்டதால் அந்த கைது இடம்பெறவில்லை.” எனவும் உதய கம்மன்பில சுட்டிக்காட்டினார்.

உயிர்த்த ஞாயிறு தாக்குதல் நடைபெற்று எதிர்வரும் 21 ஆம் திகதியுடன் நான்கு வருடங்களாகின்றன. எனவே, அடுத்த மாதம் இது பற்றி பேசப்படும்.

கடந்த ஏப்ரல் மாதம் பிள்ளையானை கைது செய்தனர். இம்முறை சுரேஸ் சலேவை கைது செய்துள்ளனர்.
ஏப்ரல் மாதமே இக்கைது இடம்பெற்றிருக்கும். எனினும், நிலக்கரி மோசடியை திசை திருப்புவதற்காகவே அது முன்கூட்டியே நடந்துள்ளது.

அரசாங்கம் கூறியதுபோல பிரதான சூத்திரதாரி கைது செய்யப்பட வேண்டும். மாறாக அப்பாவியை பலிகடாவாக்கி பிரதான சூத்திரதாரியாக காண்பிப்பதற்கு முயற்சி எடுக்கப்பட்டால் அதற்கு எதிராக நாம் முன்னிலையாவோம்.” – என கம்மன்பில மேலும் குறிப்பிட்டார்.

T20 உலகக்கிண்ணத் தொடரில் இன்று (26) நடைபெறும் முக்கிய போட்டியில் தென்னாபிரிக்கா மற்றும் மேற்கிந்திய தீவுகள் அணிகள் மோதுகின்றன.

இந்தப் போட்டி Narendra Modi Stadium மைதானத்தில் இன்று மாலை 3 மணிக்கு தொடங்குகிறது.

சூப்பர் 8 சுற்றில் இரு அணிகளும் தாங்கள் விளையாடிய முதல் போட்டியில் வெற்றி பெற்றுள்ளன.

தென்னாபிரிக்கா அணி இந்தியாவை வீழ்த்தியிருந்தது.

அதேவேளை, மேற்கிந்திய தீவுகள் அணி சிம்பாப்வேயை தோற்கடித்து தன்னம்பிக்கையுடன் உள்ளது.

இன்றைய போட்டியில் தென்னாபிரிக்கா வெற்றி பெற்றால், அரையிறுதி வாய்ப்பை நோக்கி இந்திய அணிக்கு சாதகமான நிலை உருவாகும் என்பதால், இந்த மோதல் கூடுதல் முக்கியத்துவம் பெறுகிறது.