டி -20 உலகக்கிண்ணத் தொடரில் இன்று (16) நடைபெற்ற 28ஆவது லீக் ஆட்டத்தில் ஆப்கானிஸ்தான் அணி, ஐக்கிய அரபு அமீரகம் அணியை ஐந்து விக்கெட்டுகளால் வீழ்த்தி பரபரப்பான வெற்றியை பதிவு செய்துள்ளது.
D குழுவில் இடம்பெற்றுள்ள இவ்விரு அணிகளுக்கிடையிலான போட்டி டெல்லி நகரில் நடைபெற்றது. நாணயச்சுழற்சியில் வெற்றி பெற்ற ஆப்கானிஸ்தான் அணி முதலில் பந்துவீச்சைத் தேர்வு செய்தது.
அதன்படி முதலில் துடுப்பெடுத்தாடிய ஐக்கிய அரபு அமீரகம் அணி, நிர்ணயிக்கப்பட்ட 20 ஓவர்களில் 9 விக்கெட்டுகளை இழந்து 160 ஓட்டங்களைப் பெற்றது.
பின்னர் 161 என்ற வெற்றி இலக்கை நோக்கி பதிலடி கொடுத்த ஆப்கானிஸ்தான் அணி, தன்னம்பிக்கையுடன் விளையாடி 19.2 ஓவர்களில் 5 விக்கெட்டுகளை மட்டும் இழந்து 162 ஓட்டங்களைப் பெற்றது. இதன் மூலம் ஆப்கானிஸ்தான் அணி முக்கியமான ஐந்து விக்கெட் வெற்றியைப் பதிவு செய்தது.
